«Saryózek – Kóktal» avtojolynda eki Chevrolet Cobalt kóliginiń soqtyǵysýynan alty adam qaza taýyp, bir adam jaraqat aldy, dep habarlaidy dalanews.kz.
Jol-kólik oqiǵasy joldyń 110-shaqyrymynda bolǵan. Aldyn ala málimet boiynsha, kólikterdiń biriniń júrgizýshisi qarsy qozǵalys jolaǵyna shyǵyp, qarsy baǵytta kele jatqan Chevrolet Cobalt-pen soqtyǵysqan.
Apat saldarynan alty adam oqiǵa ornynda kóz jumdy. Taǵy bir adam ártúrli dene jaraqattarymen meditsinalyq mekemege jetkizildi.
Oqiǵa boiynsha qylmystyq is qozǵaldy. Qazirgi ýaqytta jol-kólik oqiǵasynyń barlyq mán-jaiyn anyqtaýǵa baǵyttalǵan sotqa deiingi tergeý júrgizilip jatyr.
Politsiia qaza bolǵandardyń týǵan-týystary men jaqyndaryna kóńil aitty.
Quqyq qorǵaý organdary júrgizýshilerdi jol qozǵalysy erejelerin qatań saqtaýǵa, belgilengen jyldamdyq rejiminen aspaýǵa jáne joldaǵy qaýipsizdik talaptaryn oryndaýǵa shaqyrdy.
