Orman-toǵaily, nýly-sýly, jyldyń tórt mezgili meiirin aiamaǵan Sarqan óńiriniń eń bir shuraily aýyly da osy – Kókterek. Aýyldyq okrýgtiń jalpy jer aýmaǵy 42847 gektar, munyń 38079 gektary jaiylymdyq jer. Qalǵan aýmaǵy egin egýge, balyq sharýashylyǵy men jemis-jidek ósirýge jaramdy. Aýyldyq okrýg aýmaǵyn Lepsi men Basqan ózeni kesip ótedi. Ózenderdiń eki jaǵalaýy kezinde jaiqaltyp astyq ósirgen sýarmaly atyz edi. Qazir de Lepsiniń sýyn buryp, zamanaýi tehnikamen astyq ósirem degen adamdar bolsa, júgeri, soia, kúnbaǵys, bidai sekildi jáne Almaty oblysy airyqsha qoldaý bildirip otyrǵan qant qyzylshasy, maqsary siiaqty kez kelgen astyq túrin ósirýge qolaily. Ózenniń eki alqabyn qazir jergilikti turǵyndar jaiylymǵa paidalanyp otyr. Keibir sharýa qojalyqtary myńdaǵan gektar jer alǵanymen, olarǵa selbesetin eńbek kúshi jetispeidi. Qandastarymyz aýylǵa baratyn bolsa, jumyspen qamtylyp, jergilikti sharýalarmen yntymaqtasa is bastaýlaryna múmkindik mol.
Aýyldyq ákimshilik dál qazir kóship barǵysy kelgen qandastar (oralmandar) úshin 600 gektar sýarmaly egin alqabyn bólip berýge ázir. Al eger iri shaýa qojalyǵyn quramyn deýshiler bolsa ózen boiyndaǵy kezinde alyp atyzdyq bolǵan jerlerdi úlestirip beredi.
[caption id="attachment_29310" align="aligncenter" width="640"]
Budan bólek, okrýgke qarasty jailaý, qystaý, kúzeý, kókteýge yńǵaily jerler de óte mol. Kóship barǵan oralmandardyń egindik jáne jaiylymdyq jer alyp, aýylda turaqty turýy úshin olardyń tiisti qujattaryn rásimdeýine, jerlerin zańdastyrýyna ákimshilik tarapy kómek qolyn sozady.
«Bizdiń maqsat – kezinde egin jáne mal sharýashylyǵy arqyly aty alysqa jetken Kókterektiń tynys-tirshiligin jandandyrý ári alystan kelgen qandastarymyzdy osy aýyldy birge kórkeitýge jumyldyrý. Aǵaiyndarymyz aýylǵa kelse, ózderi úshin de, aýyl úshin de tiimdi bolar edi», – deidi aýyl ákimi Serik Smaǵulov. Ákimniń aitýynsha, Kókterek aýyldyq okrýginde ishki migratsiia saldarynan bos qalǵan qora-jailar men úiler de barshylyq. Olardy arzan baǵaǵa satyp alýǵa bolady. Eger jańa úi salamyn deýshiler bolsa, jer telimi tegin beriledi.
Aýyldyń qatynasy qolaily. Temir jol men tas jolǵa qashyq emes.
Eger Kókterek aýylyna baryp, turaqty tirkeýge turyp, mal baǵyp, egin ósirem degen qandastarymyz bolsa aýyl ákimine tikelei habarlasýyna bolady.
Serik Smaǵulovtyń telefon nómiri: 87711753065.
Qarý Qasenuly: 87019898899
