Saryaǵash aýdandyq bilim bólimine qarasty №74 jalpy bilim beretin mekteptiń qazaq tili men ádebieti pániniń muǵalimi Dáýrenbek Nurqulov oqýshylarǵa arnalǵan sait ashty,– dep habarlaidy Dalanews.kz
«Oian, qazaq» dep atalatyn joba búginginiń bilimpaz balalaryn oqýǵa baýlý, bilimge qushtar etý maqsatynda qolǵa alynǵan.
Saryaǵashtyq jas ustaz «Oian, qazaq» jobasynyń tiimdiligin aýdandyq «Daryndy oqýshylarǵa – talantty ustaz» baiqaýynda qorǵap, is-júzinde dáleldep shyqty. Onyń aitýynsha, oqýshylar bilim oshaǵyndaǵy akademiialyq jetistikterin kitap oqýmen bailanystyrsa, jan-jaqty damyp, izdeniske den qoimaq.
Jobanyń maqsaty – oqýshylardyń oqý mádenietiniń deńgeiin jáne olardyń oqý belsendiliginiń ósýin arttyrý, jas urpaq boiynda azamattyq, rýhani-adamgershilik qundylyqtardy qalyptastyrý, oqýshylar, pedaogogtar jáne ata-analar arasynda oqýdy tanymal etý úshin jaǵdai jasaidy.
Kitapqumar oqýshylarǵa arnalǵan áleýmettik sait 7 qosymsha betten turady. Olar: basty bet, jańalyqtar, Kitap Fest, E-kitap, aýdio kitaphana, úzdikter taqtasy, jobanyń avtory, keri bailanys.
Qazirgi tańda kitap oqýǵa úndeitin saitty 150-den asa aýdan oqýshylary paidalanýda. Jobada 200-den asa kitap qory jinaqtalǵan. Onyń ishinde oqýshylarǵa arnalǵan tanymdyq kitaptar, qazaq qalamgerleriniń ádebi shyǵarmalary, álem ádebieti men bestseller oqýlyqtar toptastyrylǵan.
«Kitap oqý jobalary bilim berý júiesiniń ajyramas bóligi bolyp tabylady. Olar jastardyń intellektýaldyq jáne rýhani damýyna yqpal etip, olardy bilimge, ǵylymǵa, mádenietke baýlýǵa múmkindik beredi. Sondyqtan da osyndai jobalardy damytý jáne qoldaý qoǵamnyń bolashaǵy úshin mańyzdy dep oilaimyn», - deidi Dáýrenbek Miatuly.
Kitap oqý jobasy — bul tek qana oqýshylardy kitap oqýǵa baýlý emes, sonymen qatar olardyń óz oilaryn erkin jetkizý, taldaý, syn turǵysynan oilaý qabiletterin damytýǵa yqpal etetin mańyzdy jumys. Mundai jobalar arqyly oqýshylar túrli taqyryptarǵa arnalǵan kitaptardy oqyp, olardy talqylaý, óz kózqarastaryn bildirý múmkindigine ie bolady. Bul óz kezeginde olardyń sóileý jáne oilaý daǵdylaryn jetildiredi. Ǵalamtordy óz deńgeiinde oqýshylarǵa jaqsy jaǵynan paidaly aqparatty ala bilýge úiretý. Sonymen qatar, kitap oqý jobasy ǵylymi-zertteý jumystarmen ainalysýyna, óz betimen bilim alýǵa degen qyzyǵýshylyǵyn oiatýǵa múmkindik beredi. Kitapty nemese belgili bir shyǵarmany ujymdyq talqylaý jańa ideialar men sheshimder tabýǵa múmkindik beredi.
