Ákim aldymen «Jibek joly» keden beketiniń jumysymen tanysqan óńir basshysy odan keiin Jibek joly aýyldyq okrýgindegi «Bes Juldyz» balabaqshasyna keldi. Jeke kásipker G.Gýlamovanyń ieligindegi balabaqshaǵa 1,1 mlrd. teńge kóleminde investitsiia tartylǵan.
Qazir 450 bala tárbielenip jatyr. Alpys adam turaqty jumyspen qamtylǵan. Oblys ákimi balalarǵa bazarlyq usynyp, balabaqsha ujymynyń qadamyn oń baǵalady.
Budan keiin oblys ákimi jańadan ornatylǵan kompiýterlik tomografiianyń jumysymen tanysyp, tomografiia ortalyǵyn salanatty túrde ashyp berip, saryaǵashtyq dárigerlerge 3 avtokóliktiń kiltin tapsyrdy.
Bul igilikti isterdiń bári Elbasynyń meditsina salasyna jasaǵan qoldaýynyń tátijesinde bolyp jatqanyn tilge tiek etken óńir basshysy aýrýhana ujymyna sáttilik tiledi. Zamanaýi qurylǵy arqyly bas midyń qan ainalymdary aýrýlaryn, isik jáne ishki qurylystaǵy aýytqýlar men súiek jaraqattaryn anyqtaidy.
Balabaqshany ashyp bergen J.Qanseiituly memleket tarapynan bilim salasyna airyqsha qamqorlyq kórsetilip jatqanyna toqtalyp, turǵyndardy qýanyshty oqiǵamen quttyqtady. Búginde Saryaǵash aýdanynda 203 balabaqsha jumys istep tur. Aldaǵy ýaqytta da mektepke deiingi bilim berý mekemeleriniń sany artady degen boljam bar.
Túrkistan oblysy ákiminiń baspasóz qyzmeti
