Saryaǵashtaǵy oqiǵaǵa jaýapty tulǵalarǵa shara qoldanady
Jiynda ákim atalǵan oqiǵa der kezinde nazarǵa alynyp, tiisti jumystar atqarylmaǵandyqtan buqaralyq aqparat pen qoǵam arasynda rezonans týdyrǵanyn aityp, osy máselege qatysty jaýapty azamattarǵa shara qoldanylatynyn jetkizdi.
Aldaǵy ýaqytta atalǵan másele boiynsha tergeý amaldarynyń obektivti jáne jan-jaqty júrgizilýiniń qamtamasyz etý úshin, tergeý amaldarynyń aiaqtalǵanyna deiin osy oqiǵaǵa qatysty barlyq laýazymdy tulǵalar men jaýapty qyzmetkerler óz qyzmetterinen ýaqytsha shettetildi.
Atap aitsaq, QR zańdylyqtaryna sáikes oblys ákiminiń orynbasary U.Sádibekovke qatań eskertý berildi. Sondai-aq, Saryaǵash aýdandyq jergilikti politsiia qyzmeti basshysy O. Berdaly men Saryaǵash aýdany, Abai aýyldyq jergilikti politsiia bólimshesiniń basshysy Á.Ibragimov, iývenaldy politsiia bólimshesiniń №73,№74 jalpy orta mektepterine jaýapty politsiia inspektory Q.Sárievter qyzmetterinen bosatyldy.
– Sonymen qatar aýdandaǵy jaǵdaidy der kezinde nazarǵa alyp, tiisti shara qabyldamaǵan aýdan ákimi Q. Ábdýálievke qatań sógis jariialaimyn. Budan bólek, sol salaǵa jaýapty aýdan ákiminiń orynbasary Q. Qystaýbaevqa shara kórýdi jáne Saryaǵash aýdandyq bilim bóliminiń basshysy B.Mairihov pen №73, №74 jalpy orta mektep direktorlaryna tergeý amaldary aiaqtalǵansha jumystan shetteteýin tapsyramyn, – dedi Janseiit Túimebaev.
Sondai-aq, óńir basshysy oblystyq bilim basqarmasynyń basshysy I.Saǵyndyqovqa sógis túrinde shara kóriletinin atap ótti.
Munan basqa ákim atalǵan másele boiynsha eksperttik komissiiamen aýdanda jáne oblysta eki ret meditsinalyq tekserýler júrgizilip, qorytyndysy boiynsha balanyń zorlanǵandyǵy rastalmaǵanyn málim etti.
Jiyn barysynda óńir basshysy oblysymyzǵa bala jónindegi ýákil Zaǵipa Balievanyń arnaiy kelip, «joǵary synyp oqýshylary tarapynan zorlyq kórdi» deliningen balanyń jai-kúiimen tanysqanyn jáne ony Astana qalasyndaǵy arnaiy mamandardyń qatysýymen keshendi sot-meditsinalyq saraptamasyna ótkizý úshin alyp ketkenin jetkizdi. Endigi ýaqytta bul másele qatań baqylaýǵa alynyp, óńirdegi barlyq bilim uialarynda profilaktikalyq jumystar júrgiziletin bolady.
OQO ákiminiń baspasóz qyzmeti
