Saryaǵashta kóp qabatty úilerdiń máselesi sheshilýde
Qazirgi tańda Saryaǵash qalasynda 36 páterli kóp qabatty turǵyn úidiń 2016-2017 jyldary qurylysy júrgizilip, turǵyn úi komissiiasynyń qorytyndysyna sáikes, aýdan ákimdiginiń №187 qaýlysymen turǵyn úi kezeginde turǵan 36 azamatqa berilgen.
Búgingi kúnde «Qol jetimdi baspana – 2020» baǵdarlamasy boiynsha 2018 jyl basynda josparlanǵan Saryaǵash qalasy, Qaplanbek oqý tájiribe sharýashylyǵy aýmaǵynan 5 qabatty 45 páterli 13 kóp qabatty turǵyn úilerdiń qurylysy júrgizilip aiaqtalǵannan keiin, atalǵan kóp páterli turǵyn úidiń jylý júiesi ortalyqtandyrylǵan jylý qazandyǵyna qosý josparlanǵan.
Aýdandyq turǵyn úi komýnaldyq sharýashylyq bóliminiń málimetine sáikes, jylý qazandyǵyn qosý turǵyndar úshin tiimsiz, sebebi, ár otbasyǵa tek qana jylý úshin 1 bólmeli páterge 44000 teńge, 2 bólmeli páterge 64478 teńge, 3 bólmeli páter iesi 84478 teńgeden tóleýi tiis boldy.
Bul qarajatty áleýmettik osal toptaǵy azamattar tóleý múmkindigi joq. Osyǵan bailanysty, qazirgi tańda áleýmettik osal toptaǵy azamattarǵa kommýnaldyq tólemdi sýbsidiia jasaýdyń zańdylyǵy qaralýda.
Saryaǵash qalasynda ortalyq káriz júiesi bolmaǵandyqtan, ýaqytsha páter ieleriniń kelisimimen septik qazylyp, paidalanýǵa berilgen. Kópqabatty turǵyn úilerdiń káriz júiesin ortalyq káriz júiesine qosý qarastyrylǵandyǵy jóninde turǵyndarǵa eskertilgen. Qazirgi tańda páter ielerinen páter aqylaryna qosymsha aqy alynyp assenizator mashinasy arqyly septik tazalanýda.
Qazirgi tańda QR UQK ShQ «2020 Áskeri bólimi» mekemesiniń káriz júiesine ýaqytsha qosý úshin Saryaǵash qalasy ákimdigimen tiisti jumystar júrgizilýde.
Atalǵan kóppáterli turǵyn úi aýyz sý júiesimen qamtamasyz etilgen, aýyz sý berý qyzmetin «QazSýShar» RMK «Ońtústikaýyzsý» filialy «Saryaǵash toptyq sý júiesi» óndiristik bólimshesi atqarady.
Bul máseleniń sheshilýi boiynsha qatań baqylaýǵa alynyp, qosymsha aqparat beriletin bolady.
Saryaǵash aýdany ákiminiń baspasóz qyzmeti
