Oblys ákimi memleket tarapynan bilim salasyna kóńil bólinip jatqanyn, bilim uıalarynyń sany artqanyn aıta kele jańa mekteptiń ustazdary men oqýshylaryna sáttilik tiledi.
Zaman talabyna saı jabdyqtalǵan mektep qurylysy 2017 jyldyń mamyr aıynda bastalyp, bıylǵy tamyzda aıaqtalyp otyr. Nysandy Saryaǵash aýdanynyń qurylys bóliminiń tapsyrysymen merdiger «ART Qurylys» JSHS-gi salyp, el ıgiligine tapsyrdy. Qurylystyń smetalyq quny —1 414,7 mln. teńge. Oǵan respýblıkalyq búdjetten qarjy bólingen.
Osy kúni Saryaǵash qalasynda ornalasqan №71 mekteptiń qosymsha 300 oryndyq oqý ǵımaratynyń da ashylý saltanaty ótti. Smetalyq quny 846,34 mln. teńgeni quraǵan ysannyń qurylysy 2017 jyldyń maýsym aıynda bastalyp, 2018 jyldyń tamyz aıynda tapsyryldy. Qarjylandyrý kózi — respýblıkalyq búdjet. Qurylys jumysyn «Lıder NK» JSHS-gi júrgizgen. Búginde Saryaǵash aýdanyndaǵy bilim uıalarynda 47634 oqýshy bar. Onyń 4831-i mektepaldy daıarlyq tobynyń tárbıelenýshileri. Aýdandaǵy 65 bilim berý mekemesiniń 57-i tıptik úlgide salynǵan. Jalpy aýdanda 11 mekteptiń jańa jáne qosymsha ǵımarattary salynǵan. Nátıjesinde apatty jaǵdaıdaǵy 4 mektep pen úsh aýysymda oqıtyn 4 mekteptiń máselesi tolyq sheshildi.
Oblys ákimi Saryǵash qalasynyń kire berisinde ornalasqan «Saıaly Saryaǵash» aleıasynda Saryaǵash qalasynyń ınfraqurylymyn damytý jónindegi jobalarmen tanysty. Aýdan ákimine Saryaǵashty damytý sharalaryn jandandyrý jóninde tapsyrma berdi.
Túrkistan oblysy ákiminiń baspasóz qyzmeti
