Saryaǵashqa Ózbekstannan din mamandary kelip, pikirlesti
Ózbekstannan kelgen bir top imamdar men dintanýshy mamandardy Saryaǵash aýdany ákiminiń orynbasary Smail Tasqulovtyń arnaiy qabyldaýynda boldy.
Jiyn barysynda qazirgi tańda beleń alyp turǵan qoǵamdaǵy keriaǵar dini aǵymdardyń aldyn alý, ekstremizm men terrorizmdi boldyrmaý máseleleri qaraldy.
Qazirgi kezde dini fýndementalizm men lańkestik bir ǵana aimaqqa, bir ǵana memleketke tán nárse bolmai otyr. Álemdik dárejede lańkestikke aparatyn dini ekstremizm jalǵasa túsýde. Túrli toptar osyny paidalaný arqyly saiasi-ekonomikalyq máselelerdi sheshýge tyrysýda. Bul rette Qazaqstan Prezidenti N.Á.Nazarbaev bylai dep atap kórsetti: «Qazaqstanda terrorizm, separatizm jáne ekstremizm problemalary bar. Ásirese halyqaralyq terrorizmniń keń qanat jaiǵanyn jáne halyqaralyq qaýymdastyq pen aimaqtardyń saiasi-áleýmettik jáne ekonomikalyq máselelermen ushtasyp, saiasilanǵanyn eskersek, olardyń tarapynan týyndaǵan qaýip oidan shyǵarylǵan emes, naqty jáne shynaiy ómirlik qaýip» degen bolatyn. Sondyqtan bul baǵytta qyraǵylyq tanytýdyń mańyzy zor.
– Bári de, túptep kelgende, qantógispen, ekonomikalyq kúireýmen aiaqtalatynyn kórip otyrmyz. Sondyqtan, álemdegi oqiǵalardy oi eleginen ótkizip, qorytyndy jasaý – qoǵamnyń da, saiasi partiialar men qozǵalystardyń da, bilim berý júiesiniń de aýqymdy dúnietanymdyq, rýhani jumysynyń bir bóligi, – dep atap ótti Smail Tasqulov óz sózinde. Sonymen qatar, Kelgen qonaqtarmen aldaǵy ýaqytta kezdesýler men jiyndar ótkiziletin jetkizip, kórshi eldiń dintanýshylar men imamdarǵa alǵysyn aitty.
Dalanews.kz
