Eki qujatty halyqaralyq jáne qazaqstandyq quqyq qaǵidattaryna negizdele otyryp, otandyq jáne sheteldik sarapshylar ázirlegen. Qujatta «óshpendilik tili» uǵymyna anyqtamalar berilgen, onyń kriteriileri, arazdyq diskýrsyn taratqany úshin zańdylyq pen moraldyq aiyptaý shekteri, adam quqyqtary salasyndaǵy zańnamany buzǵany úshin quqyqtyq jaýapkershilik jáne t.b. naqty túsindirilgen.
Jobany «MediaNet» halyqaralyq jýrnalistika ortalyǵy QR Aqparat jáne qoǵamdyq damý ministrliginiń bastamasymen, sonymen birge Konrad Adenaýer atyndaǵy qordyń Qazaqstandaǵy ókildiginiń qarjylyq qoldaýymen iske asyrdy.
Qazaqstan Respýblikasy Aqparat jáne áleýmettik damý vitse-ministri D. Qadyrov óz sózinde internet keńistiginde dushpandyq ritorikasynyń, ksenofobiia men tózimsizdiktiń taralý qaýpin atap ótip, etnosaralyq qatynastarǵa qatysty qoǵamdyq ádep kodeksiniń erekshe ózektiligin atap ótti.
Konrad Adenaýer atyndaǵy qordyń Qazaqstandaǵy ókildiginiń direktory Iohannes D. Rai alǵy sózinde, bul joba jalpy jurtshylyq pen memlekettik qyzmetshilerdiń, ásirese geosaiasi daǵdarystar kezinde jáne áleýmettik jelilerdiń yqpalynyń artýy kezinde etnosaralyq «óshpendilik tili» máseleleri boiynsha habardarlyqty arttyrýǵa óz úlesin qosady degen úmitin bildirdi.
Etnosaralyq qatynastardy damytý komitetiniń tóraǵasy Ǵ. Shoikin adamdardyń kúndelikti ómirde qoldanýy úshin áleýmettik jelilerde ádep kodeksimen múmkindiginshe kóp internet paidalanýshylardyń tanysýyn nasihattaýdyń mańyzdylyǵyn atap ótti. Bul eldegi etnosaralyq kelisim deńgeiin arttyrýǵa, etnosaralyq negizdegi janjaldardyń aldyn alýǵa yqpal etetin bolady.
Tusaýkeserge Prezident Ákimshiliginiń, QR Aqparat jáne qoǵamdyq damý ministrliginiń, Halyqaralyq uiymdardyń ókilderi, azamattyq qoǵam sarapshylary, «Qoǵamdyq kelisim» RMM, Qoldanbaly etnosaiasi zertteýler institýtynyń ókilderi, jýrnalister jáne t. b. qatysty.
