Saıasattanýshy taspany qaraǵanda koronavırýs juqtyryp aýyr jaǵdaıda emhanada em alyp jatqandardyń arasynda jas ta, kári de jetip artylatynyn baıqaýǵa bolady. Onyń aıtýynsha, indetke shaldyqqandardyń bári vaksına almaǵan.
Óz kezeginde sarapshy emhanaǵa vaksına almaı birinen-soń biri túsip jatqan naýqastarǵa medısınalyq kómek kórsetip jatqan dárigerlerdiń isin erlikke baǵalady.
– Kóptegen adamdar ókpeni jasandy tynys aldyratyn apparattyń kómegimen áreń demalýda. Taspadan olardyń ólim men ómir arasynda kúresip jatqany kórýge bolady, – deıdi Ǵazız Ábishev.
Beıne taspadan jansaqtaý bóliminde bos tóseketiń joq ekenin birden baıqaýǵa bolady. Al dárigerlerler bolsa damylsyz naýqastarǵa kómek kórsetip jatqanyn kóresiz.
Dárigerlerdiń aıtýynsha, mamandar men tehnıkalyq resýrs jetkilikti. Biraq indetke shaldyqqan adamdardyń qarasy azaımaı turǵany olardy qatty qamyqtyrýda.
https://www.youtube.com/watch?v=QdhJ9-6wd3U&t=60s
Dál osy emhanada saıasattanýshy Samat Nurtaza da bolyp, jansaqtaý bólimine túsken júktemeniń orasan zor ekenin óz kózimen kóripti. Ol el azamattary kúndelikti ómirde qarapaıym qaýipsizdik sharalaryn saqtamaı, vaksına qabyldamasa dárigerlerdi etken eńbegi, tókken teri bekerge ketýi múmkin ekenin ashyp aıtty.
– Atalǵan emhanada ıne shanshar oryn joq. Dárigerler bolsa tabanynan tik turyp, 24 saǵat boıy jumys isteýde. Olarǵa qalalyq ákimdik pen Densaýmın barlyq kómekti kórsetip jatyr. Eger kez kelgen adam sanıtarlyq normalardy saqtap, ekpe almasa, dárigerlerdi jankeshti eńbegi qumǵa quıǵan sý izim-ǵaıym joǵalaýy múmkin. Sondyqtan árbir azamat oılanyp, densaýlyǵyna jaýapkershilikpen qaraýy kerek, – deıdi Samat Nurtaza.
Qazirgi tańda Nur-Sultan qalasynda koronavırýsqa qarsy vaksınanyń alǵashqy komponetin 389 myńnan astam adam alsa, eki komponetti alǵandardyń sany 310 myńnan asqan.
Qalada COVID-19 qarsy 16 stasıonarda 6 myńnan astam medısna qyzmetkerleri kún-tún demeı eńbek etýde.
