ساياساتتانۋشى تاسپانى قاراعاندا كوروناۆيرۋس جۇقتىرىپ اۋىر جاعدايدا ەمحانادا ەم الىپ جاتقانداردىڭ اراسىندا جاس تا، كارى دە جەتىپ ارتىلاتىنىن بايقاۋعا بولادى. ونىڭ ايتۋىنشا، ىندەتكە شالدىققانداردىڭ ءبارى ۆاكسينا الماعان.
ءوز كەزەگىندە ساراپشى ەمحاناعا ۆاكسينا الماي بىرىنەن-سوڭ ءبىرى ءتۇسىپ جاتقان ناۋقاستارعا مەديسينالىق كومەك كورسەتىپ جاتقان دارىگەرلەردىڭ ءىسىن ەرلىككە باعالادى.
– كوپتەگەن ادامدار وكپەنى جاساندى تىنىس الدىراتىن اپپاراتتىڭ كومەگىمەن ارەڭ دەمالۋدا. تاسپادان ولاردىڭ ءولىم مەن ءومىر اراسىندا كۇرەسىپ جاتقانى كورۋگە بولادى، – دەيدى عازيز ابىشيەۆ.
بەينە تاسپادان جانساقتاۋ بولىمىندە بوس توسەكەتىڭ جوق ەكەنىن بىردەن بايقاۋعا بولادى. ال دارىگەرلەرلەر بولسا دامىلسىز ناۋقاستارعا كومەك كورسەتىپ جاتقانىن كورەسىز.
دارىگەرلەردىڭ ايتۋىنشا، ماماندار مەن تەحنيكالىق رەسۋرس جەتكىلىكتى. ءبىراق ىندەتكە شالدىققان ادامداردىڭ قاراسى ازايماي تۇرعانى ولاردى قاتتى قامىقتىرۋدا.
https://www.youtube.com/watch؟v=QdhJ9-6wd3U&t=60s
ءدال وسى ەمحانادا ساياساتتانۋشى سامات نۇرتازا دا بولىپ، جانساقتاۋ بولىمىنە تۇسكەن جۇكتەمەنىڭ وراسان زور ەكەنىن ءوز كوزىمەن كورىپتى. ول ەل ازاماتتارى كۇندەلىكتى ومىردە قاراپايىم قاۋىپسىزدىك شارالارىن ساقتاماي، ۆاكسينا قابىلداماسا دارىگەرلەردى ەتكەن ەڭبەگى، توككەن تەرى بەكەرگە كەتۋى مۇمكىن ەكەنىن اشىپ ايتتى.
– اتالعان ەمحانادا ينە شانشار ورىن جوق. دارىگەرلەر بولسا تابانىنان تىك تۇرىپ، 24 ساعات بويى جۇمىس ىستەۋدە. ولارعا قالالىق اكىمدىك پەن دەنساۋمين بارلىق كومەكتى كورسەتىپ جاتىر. ەگەر كەز كەلگەن ادام سانيتارلىق نورمالاردى ساقتاپ، ەكپە الماسا، دارىگەرلەردى جانكەشتى ەڭبەگى قۇمعا قۇيعان سۋ ءىزىم-عايىم جوعالاۋى مۇمكىن. سوندىقتان ءاربىر ازامات ويلانىپ، دەنساۋلىعىنا جاۋاپكەرشىلىكپەن قاراۋى كەرەك، – دەيدى سامات نۇرتازا.
قازىرگى تاڭدا نۇر-سۇلتان قالاسىندا كوروناۆيرۋسقا قارسى ۆاكسينانىڭ العاشقى كومپونەتىن 389 مىڭنان استام ادام السا، ەكى كومپونەتتى العانداردىڭ سانى 310 مىڭنان اسقان.
قالادا COVID-19 قارسى 16 ستاسيوناردا 6 مىڭنان استام مەديسنا قىزمەتكەرلەرى كۇن-تۇن دەمەي ەڭبەك ەتۋدە.
