Sara Nazarbaeva negizin qalaǵan institýt memleket enshisine ótti, - dep habarlaidy Dalanews.kz.
"Órken" balalardyń ál-aýqatyn arttyrý ulttyq ǵylymi-praktikalyq institýty" kommertsiialyq emes aktsionerlik qoǵamy aktsiialarynyń memlekettik paketteri men úlesteri respýblikalyq menshikke jatqyzylǵan aktsionerlik qoǵamdar men sharýashylyq seriktestikterdiń tizimine endi.
Úkimet qaýlysynda Sara Nazarbaeva negizin qalaǵan institýt memleket menshigine ótkeni týraly jariialandy.
Bul institýt keiingi 2 jylda jumys baǵytyn ózgertip, rebrending jasaǵan edi. "Adamnyń úilesimdi damýy ulttyq institýty" endi "Órken" balalar salamaty ulttyq ǵylymi-tájiribelik institýty" dep jariialandy.
"Bul institýt 2021 jyly Sara Nazarbaeva negizin qalaǵan "Bóbek" qorynyń janynan ashylǵan edi. Institýttyń negizgi missiiasy "Ózin-ózi taný"» rýhani-adamgershilik bilim berý baǵdarlamasy arqyly eldiń adami áleýetin damytýǵa úles qosý boldy. Al Qazaqstanda "Ózin-ózi taný" rýhani-adamgershilik bilim berý baǵdarlamasy 2022 jyly zań júzinde óz jumysyn toqtatty", - dep jazylǵan habarlamada.
