سارا نازاربايەۆا نەگىزىن قالاعان ينستيتۋت مەملەكەت ەنشىسىنە ءوتتى

ساعىنىش سارداروۆا 14 ماۋ. 2024 15:53 4286

سارا نازاربايەۆا نەگىزىن قالاعان ينستيتۋت مەملەكەت ەنشىسىنە ءوتتى، - دەپ حابارلايدى Dalanews.kz.

"وركەن" بالالاردىڭ ءال-اۋقاتىن ارتتىرۋ ۇلتتىق عىلىمي-پراكتيكالىق ينستيتۋتى" كوممەرسيالىق ەمەس اكسيونەرلىك قوعامى اكسيالارىنىڭ مەملەكەتتىك پاكەتتەرى مەن ۇلەستەرى رەسپۋبليكالىق مەنشىككە جاتقىزىلعان اكسيونەرلىك قوعامدار مەن شارۋاشىلىق سەرىكتەستىكتەردىڭ تىزىمىنە ەندى.

ۇكىمەت قاۋلىسىندا سارا نازاربايەۆا نەگىزىن قالاعان ينستيتۋت مەملەكەت مەنشىگىنە وتكەنى تۋرالى جاريالاندى.

بۇل ينستيتۋت كەيىنگى 2 جىلدا جۇمىس باعىتىن وزگەرتىپ، رەبرەندينگ جاساعان ەدى. "ادامنىڭ ۇيلەسىمدى دامۋى ۇلتتىق ينستيتۋتى" ەندى "وركەن"  بالالار سالاماتى ۇلتتىق عىلىمي-تاجىريبەلىك ينستيتۋتى" دەپ جاريالاندى.

"بۇل ينستيتۋت 2021 جىلى سارا نازاربايەۆا نەگىزىن قالاعان "بوبەك" قورىنىڭ جانىنان اشىلعان ەدى. ينستيتۋتتىڭ نەگىزگى ميسسياسى "ءوزىن-وزى تانۋ"» رۋحاني-ادامگەرشىلىك ءبىلىم بەرۋ باعدارلاماسى ارقىلى ەلدىڭ ادامي الەۋەتىن دامىتۋعا ۇلەس قوسۋ بولدى. ال قازاقستاندا "ءوزىن-وزى تانۋ" رۋحاني-ادامگەرشىلىك ءبىلىم بەرۋ باعدارلاماسى 2022 جىلى زاڭ جۇزىندە ءوز جۇمىسىن توقتاتتى"، - دەپ جازىلعان حابارلامادا.


ۇسىنىلعان
سوڭعى جاڭالىقتار