Qazaqstanda bank kartasyn úshinshi tulǵalarǵa bergeni úshin jaýapkershilik engizildi, dep habarlaidy Dalanews.kz.
Qylmystyq kodekstiń jańa 232-1 babyna bank derekterin úshinshi tulǵalarǵa bergeni úshin, sondai-aq, materialdyq syiaqy nemese múliktik sipattaǵy paida úshin nemese olardy alý maqsatynda úshinshi tulǵanyń múddesi úshin ia bolmasa paidany kózdep, tólemder nemese aqsha aýdarymdaryn jasaǵany úshin qylmystyq jaýapkershilik engizildi.
IIM málimetinshe, alaiaqtar osy derekterdi qylmystyq kiristi qolma-qol aqshaǵa ainaldyrý nemese basqa azamattardy aldaý úshin paidalanady.
"Kóp jaǵdaida zardap shekkender ózderiniń qylmysqa qatysýshy ekenin túsinbeidi. Jeke jáne bank derekteri jai ǵana aqparat emes, bul - sizdiń múlkińizdiń, qaýipsizdigińizdiń jáne zań aldyndaǵy jaýapkershiligińizdiń kilti", - dedi IIM ókilderi.
IIM mynadai keńes berdi:
- eshqashan bank derekterińizdi úshinshi tulǵalarǵa bermeńiz;
- kartańyzdy nemese shotyńyzdy berý arqyly "ońai aqsha tabýǵa" kelispeńiz;
- kúdik týyndaǵan jaǵdaida bankke nemese quqyq qorǵaý organdaryna habarlasyńyz.
