Saparbaevtyń qynjylysy
Qytaiǵa kúieýge shyǵyp jatqan qazaq qyzdary Saparbaevtyń ashýyn keltirdi
«Men 42 jyl dáriger bolǵan adammyn. Osydan eki jyl buryn Almatyda júrgenimde, ortalyq baspasózden oqydym. 6 aidyń ishinde 5500 qazaq qyzy qytaiǵa kúieýge shyqqan eken. Al qytai elinde 85 mln boidaq adam bar. Olardyń barlyǵy bizge kelse ne bolady?», – dedi qala turǵyny Abdýlla Omarov.
Sheteldikterge kúieýge shyǵýǵa qumar qazaq qyzdary týraly aqparat oblys ákiminiń ashýyn keltirdi.
– Nege qazaqtyń qyzy qytaiǵa kúieýge shyǵady? Qaida onyń áke sheshesi? Onyń tárbiesi qaida? Nege qaramaidy áke-sheshesi? Sondyqtan, aǵaiyn, áýeli ózimizge suraq qoiýymyz kerek. Men balama qandai tárbie berdim? Odan keiin muǵalimder. Muǵalimderge de qoiatyn kinálar bar, bári dep aitýǵa bolmaidy. Muǵalimderdiń ishinde er azamattar azaiyp ketti, – dedi Aqtóbe oblysynyń ákimi Berdibek Saparbaev.
Oblys ákimi bala tárbiesine nemquraily qaramaýdy aityp, sapaly bilim berýge kúsh salý kerektigin atap ketti.
– Úsh tildilik jóninen, eger biz damyǵan memleket bolamyz desek, urpaǵymyz qatarynan kem bolmaýy úshin qazaq tilinen bólek, eki tildi jetik meńgerýi kerek. Qazir jańa tehnologiia kelip jatyr. Sondyqtan muny durys túsiný kerek. Tek buǵan asyqpaǵan jón. Daiyndalý kerek. Muǵalim daiyndaý qajet, materialdyq baza daiyndaý kerek, – dedi Berdibek Saparbaev.
Derekkóz: Nur.kz
