Sondyqtan olar, ákimdik aldyna jinalyp, oblys ákimi «Berdibek Saparbaevtyń ózi shyqsyn» dep turyp aldy. Jinalǵandar mektep formasy men oqýshylardyń tamaǵyna bólingen qarjyǵa kompiýter almai-aq, bala basyna taratyp bersin deidi. Bul týraly Dalanews.kz 31 arnanyń "Informbiýro" baǵdarlamasyna siltep habarlaidy.
Ákimdik aldyna jiylǵan analar basqarma úlestirgen kompiýter múldem istemeidi dep narazy. Sondyqtan bilik qashyqtan oqytýǵa arnalǵan kompiýterdiń ne jańasyn, ne aqshasyn bersin dep otyr. Aitýlarynsha, sheneýnikter oqýshylardyń mektep formasy men tamaǵyna bólingen qarjyǵa da kompiýter alǵan.
"21 tamyzǵa deiin mekteptegi istemeitin kompiýterlerdi beredi. Hattama qurylady, al eger kompiýter jumys istemei qalsa, biz álgi kompiýterlerdiń aqshasyn tóleimiz. 180 myń teńge tóletkizbekshi. Bizge ondai kompiýterler keregi joq. Al jańa qurylǵylar qazan aiynda keledi eken. Odan da ár balaǵa bólingen aqshany úlestirip bere salsyn", - deidi Taraz qalasynyń turǵyny Aqtolqyn Músilimova.
Sondai-aq analar berilgen kompiýterlerdi ne sebepti qaitaryp berý kerek ekendigin túsinbeidi. Sondyqtan olar ózge eshkimmen tildespeimiz, ákimniń ózi shyqsyn dep aiqaiǵa basty.
Biraq Berdibek Saparbaev jinalǵan jurttyń shaǵymyn tyńdap, tildesýge shyqpady. Aqyry bilik ókilderi narazy topty kóndirip, ákimdiktiń ishine alyp kirdi. Alaida analar sheneýnikterdiń jaýabyna kóńilim tolmady dep otyr. Al ákimdiktegiler az qamtylǵan jáne kópbalaly otbasylarǵa 25 myń kompiýter úlestirilip jatyr deidi. Sondai-aq oblystyq jáne respýblikalyq biýdjetten taǵy qosymsha 26 myń kompiýterge 4 mlrd teńge qarastyrylypty.
"Biz mektep formasy men ystyq tamaqqa ketetin aqshany únemdep, osy baǵytqa jumsadyq. Endi oqý onlain bolǵan soń mektep formasy qajet emes qoi. Tamaq boiynsha da sol jaǵdai. Sol sebepti keń aýqymdy bolý úshin bar qarajatty kompiýterlerge baǵyttap otyrmyz", - deidi Jambyl oblysy ákiminiń orynbasary Erjan Jylqybaev.
Sheneýniktiń sózinshe, kompiýterler memleket menshigi, sol sebepti ata-analar olardy qaitarýy tiis. Al jańalary bolsa muqtaj otbasylarǵa kelesi aida úlestiriledi eken. Al tamaq pen mektep formasyna arnalǵan aqsha ózge de qajettilikterge jaratylyp ketpes úshin berilmepti.
