سوندىقتان ولار, ەكٸمدٸك الدىنا جينالىپ, وبلىس ەكٸمٸ «بەردٸبەك ساپارباەۆتىڭ ٶزٸ شىقسىن» دەپ تۇرىپ الدى. جينالعاندار مەكتەپ فورماسى مەن وقۋشىلاردىڭ تاماعىنا بٶلٸنگەن قارجىعا كومپيۋتەر الماي-اق, بالا باسىنا تاراتىپ بەرسٸن دەيدٸ. بۇل تۋرالى Dalanews.kz 31 ارنانىڭ "ينفورمبيۋرو" باعدارلاماسىنا سٸلتەپ حابارلايدى.
ەكٸمدٸك الدىنا جيىلعان انالار باسقارما ٷلەستٸرگەن كومپيۋتەر مٷلدەم ٸستەمەيدٸ دەپ نارازى. سوندىقتان بيلٸك قاشىقتان وقىتۋعا ارنالعان كومپيۋتەردٸڭ نە جاڭاسىن, نە اقشاسىن بەرسٸن دەپ وتىر. ايتۋلارىنشا, شەنەۋنٸكتەر وقۋشىلاردىڭ مەكتەپ فورماسى مەن تاماعىنا بٶلٸنگەن قارجىعا دا كومپيۋتەر العان.
"21 تامىزعا دەيٸن مەكتەپتەگٸ ٸستەمەيتٸن كومپيۋتەرلەردٸ بەرەدٸ. حاتتاما قۇرىلادى, ال ەگەر كومپيۋتەر جۇمىس ٸستەمەي قالسا, بٸز ەلگٸ كومپيۋتەرلەردٸڭ اقشاسىن تٶلەيمٸز. 180 مىڭ تەڭگە تٶلەتكٸزبەكشٸ. بٸزگە ونداي كومپيۋتەرلەر كەرەگٸ جوق. ال جاڭا قۇرىلعىلار قازان ايىندا كەلەدٸ ەكەن. ودان دا ەر بالاعا بٶلٸنگەن اقشانى ٷلەستٸرٸپ بەرە سالسىن", - دەيدٸ تاراز قالاسىنىڭ تۇرعىنى اقتولقىن مٷسٸلٸموۆا.
سونداي-اق انالار بەرٸلگەن كومپيۋتەرلەردٸ نە سەبەپتٸ قايتارىپ بەرۋ كەرەك ەكەندٸگٸن تٷسٸنبەيدٸ. سوندىقتان ولار ٶزگە ەشكٸممەن تٸلدەسپەيمٸز, ەكٸمنٸڭ ٶزٸ شىقسىن دەپ ايقايعا باستى.
بٸراق بەردٸبەك ساپارباەۆ جينالعان جۇرتتىڭ شاعىمىن تىڭداپ, تٸلدەسۋگە شىقپادى. اقىرى بيلٸك ٶكٸلدەرٸ نارازى توپتى كٶندٸرٸپ, ەكٸمدٸكتٸڭ ٸشٸنە الىپ كٸردٸ. الايدا انالار شەنەۋنٸكتەردٸڭ جاۋابىنا كٶڭٸلٸم تولمادى دەپ وتىر. ال ەكٸمدٸكتەگٸلەر از قامتىلعان جەنە كٶپبالالى وتباسىلارعا 25 مىڭ كومپيۋتەر ٷلەستٸرٸلٸپ جاتىر دەيدٸ. سونداي-اق وبلىستىق جەنە رەسپۋبليكالىق بيۋدجەتتەن تاعى قوسىمشا 26 مىڭ كومپيۋتەرگە 4 ملرد تەڭگە قاراستىرىلىپتى.
"بٸز مەكتەپ فورماسى مەن ىستىق تاماققا كەتەتٸن اقشانى ٷنەمدەپ, وسى باعىتقا جۇمسادىق. ەندٸ وقۋ ونلاين بولعان سوڭ مەكتەپ فورماسى قاجەت ەمەس قوي. تاماق بويىنشا دا سول جاعداي. سول سەبەپتٸ كەڭ اۋقىمدى بولۋ ٷشٸن بار قاراجاتتى كومپيۋتەرلەرگە باعىتتاپ وتىرمىز", - دەيدٸ جامبىل وبلىسى ەكٸمٸنٸڭ ورىنباسارى ەرجان جىلقىباەۆ.
شەنەۋنٸكتٸڭ سٶزٸنشە, كومپيۋتەرلەر مەملەكەت مەنشٸگٸ, سول سەبەپتٸ اتا-انالار ولاردى قايتارۋى تيٸس. ال جاڭالارى بولسا مۇقتاج وتباسىلارعا كەلەسٸ ايدا ٷلەستٸرٸلەدٸ ەكەن. ال تاماق پەن مەكتەپ فورماسىنا ارنالعان اقشا ٶزگە دە قاجەتتٸلٸكتەرگە جاراتىلىپ كەتپەس ٷشٸن بەرٸلمەپتٸ.
