Saparbaev: «Bizder aýylǵa jii baraiyq»
Alys aýyldaǵy saparynan mysal keltirgen ákim halyqtyń senimin kezdesýler arqyly tyǵyz bailanyspen kúsheitý kerektigin aitty.
– Biz halyqpen neǵurlym kóbirek kezdessek jaǵdai soǵurlym jaqsy bolady. Biz aqparattyq vakýýmdy toltyrýǵa jumys jasaýymyz kerek. Alys aýdan turǵyndarymen kezdeskende jaǵdailaryn suradym «bári jaqsy» deidi. Yrǵyz aýdanynyń Nura aýylyna barǵanda halyq qumnyń arasynda otyr. Biz barǵanda jel turyp, ainala qum boldy. Qalai jaqsy bolady? Óitkeni olarǵa ákim kóp kele bermeidi. Biz sondai aýyldarǵa jii barsaq, jaǵdailary basqa bolar edi. Olar da «bizdiń artymyzdan izdep keletinder bar, bizdiń jaǵdaiymyzdy suraidy» deitin bolady. Ásirese, jas bastyqtarǵa, jas partiia múshelerine uiat bolady. Bizdiń 30-40 jas aralyǵyndaǵy jas bastyqtar kabinetten shyqqylary kelmeidi, – dedi oblys basshysy Saparbaev.
Ákim «Týǵan jer» forýmyna qatysty jasalyp jatqan jumystardy ai saiyn tekserip otyratynyn aityp ketti.
– Forým ótkizý qiyn sharýa emes, bir-eki kúnde ótedi de ketedi. Biraq, halyqtyń esinde sol forýmnan keiin ne isteldi, forým oilaǵanyn jasai aldy ma, qarapaiym halyqqa qandai paida degen másele mańyzdy. Bul jerde bizdiń partiia músheleri óz belsendilikterin tanytý kerek. Ásirese, kásipkerler bul jerde ónege bolýǵa tiis. Týǵan jer týraly biz ai saiyn bir ret tyńdap turamyz. Ár aýdandy, basqarmalardy sóiletemiz. Biz búkil respýblikaǵa aityp, jariia salǵannan keiin ony oryndaýymyz kerek. Jumystar joq emes, biraq belsendilikti áli de arttyrýymyz kerek, – dedi Berdibek Saparbaev.
Aqtóbedegi «Nur Otan» partiiasynyń oblystyq filialy saiasi keńesiniń keńeitilgen otyrysynda aýdan ákimderi men basqarma basshylarynyń da baiandamalary tyńdaldy.
https://dalanews.kz/23215
