Sapaly bilim-jarqyn bolashaq kepili
Bilikti maman daiarlaý – joǵary mekteptiń birtutas quramdas bóligi, onyń negizgi sýbektisi JOO oqytýshysy bolyp tabylady. BUU-nyń bastaýymen alǵash ret «turaqty damý» kontseptsiiasy usynyldy. «Turaqty damý maqsattary» – qazirgi ýaqyttyń qajettiligin qamtamasyz ete otyryp, bolashaq urpaqtardyń óziniń qajettilikterin qamtamasyz etýine qaýip týǵyzbaityn damý.Turaqty damý maqsattary kontseptsiiasynyń 4 bólimi -sapaly bilim eken alǵa tartqym keledi. Elimizde de bilim berý júiesi sanǵa ǵana emes, sapaǵa negizdeý – búgingi kúnniń basty talaby. Sanaly da sapaly urpaq tárbieleý arqyly ǵana biikke shyǵatynymyzdy eskersek, bul másele udaiy nazarda bolýy tiis. Búginde muǵalimderdiń biliktiligin kóterý jumystaryn jandandyrý jáne bilim sapasyn jaqsartý joldary birizdilikpen júieli jolǵa qoiylyp keledi.Osy jaittardy eskere otyra, ál-Farabi atyndaǵy Qazaq ulttyq ýniversitetiniń zań fakýltetiniń oqytýshylar quramy sapaly bilim berý maqsatynda aianbai eńbek etýde. Jastarǵa sapaly bilim berý, ǵylymi baǵytyn aiqyndaý, jańashyl ideialaryn qoldaý bizdiń basty mindetimiz. Jastardyń mamandyqty durys tańdaýy, sapaly bilim alýy — ózekti másele. Sebebi, elimizdiń damýy, ósip-órkendeýi jastardyń mamandyq tańdaýyna, ózi tańdaǵan kásipke degen yntasyna, alǵan bilimine bailanysty jáne osy máselege erekshe kóńil bólgen jón. Bilim berýdegi basty maqsat – eldiń erteńi úshin qyzmet etetin bilimdi urpaq tárbieleý. Ár memlekettiń ekonomikalyq jáne áleýmettik turǵydan damýynyń taǵy bir kórsetkishi – álemdik tájiribege súiengen bilimdi maman daiarlaýmen tyǵyz bailanysty. Osy oraida Memleket basshysy óz sózinde sheteldik aldyńǵy qatarly joǵary oqý oryndarynyń, sonyń ishinde Qazaqstanǵa asa qajetti tehnikalyq baǵyttaǵy oqý oryndarynyń filialdaryn ashý týraly aitqan sózi – jastardyń elden tys ketpei-aq, sapaly bilim alýyna jol ashatyn tyń jańalyq.
Jańa Qazaqstandy qursaq degen armanymyzdyń túp tamyry sanaly urpaqqa sapaly bilim bere otyryp, ulttyq baǵyttaǵy qundylyqtarymyzdy boilaryna quia bilý arqyly asqaraly maqsattarǵa jetemiz. Sapaly bilim berý – básekege qabiletti, órkenietti el bolýdyń kepili. Adamzat tarihyndaǵy jetistiktiń barlyǵy ilim, ǵylymnyń jemisi ekendigi sózsiz. Saýatty urpaq ósirý arqyly ǵana ulttyń jańa sapasyn qalyptastyra alamyz.
Muqaldieva G.B
ál-Farabi atyndaǵy QazUÝ-dyń zań fakýlteti azamattyq quqyq jáne azamattyq is júrgizý,eńbek quqyǵy kafedrasynyń dotsenti,z.ǵ.k
Eslamǵaliev J.R
ál-Farabi atyndaǵy QazUÝ-dyń zań fakýlteti azamattyq quqyq jáne azamattyq is júrgizý, eńbek quqyǵy kafedrasynyń aǵa oqytýshysy,z.ǵ.m
