قازاقستاننىڭ ءبىلىم بەرۋدەگى باستى ماقساتى - كوشباسى مەملەكەتتەردىڭ قاتارىنداعى ەلدەردىڭ ءبىلىم بەرۋ جۇيەسىنە كىرۋ. باسەكە ۇدەرىسىندە ادام رەسۋرسىن ساپالى دامىتۋدىڭ ماڭىزى وتە زور، سوندىقتان نارىقتىق ەكونوميكاعا بەيىمدەلگەن باسەكەگە قابىلەتتى، جاڭا زاماندا جاڭاشا ويلايتىن، كاسىبي قۇزىرەتتى جەكە تۇلعانى دايىنداۋ شارت.

بىلىكتى مامان دايارلاۋ – جوعارى مەكتەپتىڭ ءبىرتۇتاس  قۇرامداس بولىگى، ونىڭ نەگىزگى سۋبەكتىسى جوو وقىتۋشىسى بولىپ تابىلادى.    بۇۇ-نىڭ باستاۋىمەن العاش رەت «تۇراقتى دامۋ» كونسەپسياسى ۇسىنىلدى. «تۇراقتى دامۋ ماقساتتارى» – قازىرگى ۋاقىتتىڭ قاجەتتىلىگىن قامتاماسىز ەتە وتىرىپ، بولاشاق ۇرپاقتاردىڭ ءوزىنىڭ قاجەتتىلىكتەرىن قامتاماسىز ەتۋىنە ءقاۋىپ تۋعىزبايتىن دامۋ.تۇراقتى دامۋ ماقساتتارى  كونسەپسياسىنىڭ 4 ءبولىمى -ساپالى  ءبىلىم ەكەن العا تارتقىم كەلەدى.   ەلىمىزدە دە ءبىلىم بەرۋ جۇيەسى سانعا عانا ەمەس، ساپاعا نەگىزدەۋ – بۇگىنگى كۇننىڭ باستى تالابى. سانالى دا ساپالى ۇرپاق تاربيەلەۋ ارقىلى عانا بيىككە شىعاتىنىمىزدى ەسكەرسەك، بۇل ماسەلە ۇدايى نازاردا بولۋى ءتيىس. بۇگىندە مۇعالىمدەردىڭ   بىلىكتىلىگىن كوتەرۋ جۇمىستارىن جانداندىرۋ جانە ءبىلىم ساپاسىن جاقسارتۋ جولدارى بىرىزدىلىكپەن جۇيەلى جولعا قويىلىپ كەلەدى.وسى جايتتاردى ەسكەرە وتىرا، ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتىنىڭ وقىتۋشىلار قۇرامى ساپالى ءبىلىم بەرۋ ماقساتىندا ايانباي ەڭبەك ەتۋدە.  جاستارعا ساپالى ءبىلىم بەرۋ، عىلىمي باعىتىن ايقىنداۋ، جاڭاشىل يدەيالارىن قولداۋ ءبىزدىڭ باستى مىندەتىمىز. جاستاردىڭ ماماندىقتى دۇرىس تاڭداۋى، ساپالى ءبىلىم الۋى — وزەكتى ماسەلە. سەبەبى، ەلىمىزدىڭ دامۋى، وسىپ-وركەندەۋى جاستاردىڭ ماماندىق تاڭداۋىنا، ءوزى تاڭداعان كاسىپكە دەگەن ىنتاسىنا، العان بىلىمىنە بايلانىستى جانە وسى ماسەلەگە ەرەكشە كوڭىل بولگەن ءجون. ءبىلىم بەرۋدەگى باستى ماقسات – ەلدىڭ ەرتەڭى ءۇشىن قىزمەت ەتەتىن ءبىلىمدى ۇرپاق تاربيەلەۋ. ءار مەملەكەتتىڭ ەكونوميكالىق جانە الەۋمەتتىك تۇرعىدان دامۋى­نىڭ تاعى ءبىر كورسەتكىشى – الەمدىك تاجىريبەگە سۇيەنگەن ءبىلىمدى مامان دايارلاۋمەن تىعىز بايلانىستى. وسى ورايدا مەملەكەت باسشىسى ءوز سوزىندە شەتەلدىك الدىڭعى قاتارلى جوعارى وقۋ ورىندارىنىڭ، سونىڭ ىشىندە قازاقستانعا اسا قاجەتتى تەح­ني­كالىق باعىتتاعى وقۋ ورىن­دارىنىڭ فيليالدارىن اشۋ تۋرالى ايتقان ءسوزى – جاستاردىڭ ەل­دەن تىس كەتپەي-اق، ساپالى ءبىلىم الۋى­نا جول اشاتىن تىڭ جاڭالىق.

جاڭا قازاقستاندى قۇرساق دەگەن ارمانىمىزدىڭ ءتۇپ تامىرى سانالى ۇرپاققا ساپالى ءبىلىم بەرە وتىرىپ، ۇلتتىق باعىتتاعى قۇندىلىقتارىمىزدى بويلارىنا قۇيا ءبىلۋ ارقىلى اسقارالى ماقساتتارعا جەتەمىز. ساپالى ءبىلىم بەرۋ – ءبا­سە­كەگە قابىلەتتى، وركەنيەتتى ەل بولۋدىڭ كە­ءپىلى. ادامزات تاريحىنداعى جەتىستىكتىڭ بار­­لىعى ءىلىم، عىلىمنىڭ جەمىسى ەكەندىگى ءسوز­­ءسىز. ساۋاتتى ۇرپاق ءوسىرۋ ارقىلى عانا ۇلت­­تىڭ جاڭا ساپاسىن قالىپتاستىرا الامىز.

 

مۇقالدييەۆا گ.ب

ءال-فارابي اتىنداعى قازۇۋ-دىڭ زاڭ فاكۋلتەتى  ازاماتتىق قۇقىق جانە ازاماتتىق ءىس جۇرگىزۋ،ەڭبەك قۇقىعى كافەدراسىنىڭ دوسەنتى،ز.ع.ك

 

ەسلامعالييەۆ ج.ر

ءال-فارابي اتىنداعى قازۇۋ-دىڭ زاڭ فاكۋلتەتى  ازاماتتىق قۇقىق جانە ازاماتتىق ءىس جۇرگىزۋ، ەڭبەك قۇقىعى كافەدراسىنىڭ  اعا وقىتۋشىسى،ز.ع.م