Sapaly bilim bolashaqqa degen senimdi arttyrady
Prezident usynyp otyrǵan tiimdi sharalardyń biri bilim alýdyń qoljetimdiligi men sapasyn arttyrý. Aldaǵy 2018-2019 oqý jylynda jyl saiynǵy bólinetin 54 myń grantqa qosymsha 20 myń bilim granty bólingeli otyr. Onyń 11 myńy tehnikalyq, injenerlik, robototehnika, nanotehnologiia, IT salasyndaǵy mamandyqtar boiynsha igeriletin bolsa, bilim berý júiesinde suranysqa ie mamandyqtar basym baǵytpen oqytylady. Árine, bul jerdegi basty maqsat – tórtinshi ónerkásiptik revoliýtsiialyq jaǵdaiynda naryq suranysyna sai mamandardy barynsha kóbirek daiarlaý. Búginde osyndai múmkindikterdiń arqasynda joǵary oqý oryndarda tehnikalyq, pedagogikalyq mamandyqtar boiynsha jańa dáýirdiń suranysyna sai mamandyqtardy igerem deitin bilim alýshylardyń sany artpaq.
Elbasy Úndeýinde sapaly bilim berýmen qatar bilim alýshylardy jataqhanamen qamtý da nazardan tys qaldyrmaǵan. Táýelsiz elimizdiń kemel keleshegi – jastardyń jataqhanamen qamtylýy jáne sapaly bilim alýǵa jasalǵan múmkindikter olardyń bolashaqqa degen senimin arttyryp, jańasha serpin bereri sózsiz. Elbasynyń memlekettik orta jáne joǵary oqý oryndaryn, sonymen qatar onda bilim alyp jatqan jastardy materialdyq, áleýmettik, rýhani qoldaýmen qatar, olarǵa jaǵdai jasaýy bolashaq maman bolam deitin mektep túlekterine kúsh berip, alǵa qoiǵan maqsattaryna jeteleitin qoldaý dep bilemin.
Elimizde Úndeý aiasynda jasalynyp jatqan júieli jumystar orta jáne joǵary bilim baǵytynyń deńgeiin kóterý, bilim salasynda jumys jasap júrgen ustazdardyń mártebesin arttyrý bolyp tabylady. Osyndai múmkindikterdi paidalana otyryp, biz óz tarapymyzdan bolashaq mamandarymyzdy mektep qabyrǵasynda daiarlap, qajetti bilimmen nárlendirý kerekpiz.
Dinara Dimanbaeva,
№141 jalpy bilim beretin mektebiniń aǵylshyn tili pániniń muǵalimi
Almaty qalasy
