Belsendi Sanjar Boqaevtyń advokattary onyń Almatydaǵy UQK tergeý izoliatorynan kútpegen jerden Astanaǵa etappen jetkizilgenin málimdedi, dep habarlaidy dalanews.kz.
Qorǵaýshylardyń aitýynsha, bul týraly olar Boqaevpen kezdesý úshin izoliatorǵa barǵan kezde ǵana bilgen. Ázirge ony basqa qalaǵa qandai sebeppen aýystyrǵany resmi túrde túsindirilmegen.
Advokat Artem Askarov mundai sheshim sotqa daiyndyq jumystaryna kedergi keltiretinin aitty. Onyń sózinshe, Sanjar Boqaevqa qatysty sot protsesi 28 qyrkúiekte bastalýy tiis. Osyǵan bailanysty ol Bas prokýratýra men Joǵarǵy sottan jaǵdaiǵa nazar aýdarýdy suraǵan.
Sanjar Boqaev 2026 jyldyń naýryz aiynan beri qamaýda otyr. Oǵan asa iri kólemde qarjy jymqyrdy, jalǵan aqparat taratty jáne Baýma toǵaiyndaǵy aǵashtardy kesýdi uiymdastyrdy degen aiyptar taǵylǵan.
Tergeý nusqasyna sáikes, Bokaev keibir arandatýshylyq sipattaǵy oqiǵalardy ózi uiymdastyryp, keiin olardy zańbuzýshylyq retinde áleýmettik jelilerde jariialaǵan. Alaida belsendi men onyń advokattary taǵylǵan aiyptardy joqqa shyǵaryp keledi.
Sanjar Boqaev Almatydaǵy abattandyrý jumystaryna qatysty syn-pikirlerimen jáne ýtilalymǵa qarsy qozǵalysqa qatysýymen tanylǵan.
