Shymkent qalasy Abaı aýdany aýmaǵyndaǵy negizgi kósheler men aıaq joldar jáne ırrıgasıalyq júıelerdi tazalaý jumystary kúndelikti tańǵy saǵat 5:30 dan bastap júrgizilýde. Mundaǵy mehanıkalyq jáne qolmen tazalaý jumystaryn «LTD-turmys» JSHS-gi atqarýda, – dep habarlaıdy Dalanews.kz Shymkent qalasy ákimdiginiń baspasóz qyzmetine silteme jasap.

Sonymen qatar, bul baǵyttaǵy jumystardy jandandyrý maqsatynda aýdan aýmaǵy 11 sektorǵa bólinip, aýdan ákimi apparaty tarapynan qadaǵalanýda. Jalpy sanıtarlyq tazalyq jumystaryna 29 tehnıka men 131 adam jumyldyrylǵan.

Qalanyń tazalyǵyna tek tıisti mekeme qyzmetkerleri ǵana jaýapty bolmaı, barsha turǵyn atsalysýy tıis. Árbir turǵyn qala tazalyǵyn óz aýlasynan bastap, týǵan jeriniń kórkeıýine ózindik úlesin qosa bilse. Súıikti qalamyzdyń tazalyǵyna birge atsalysaıyq!

Sanıtarlyq tazalyq jumystary boı̆ynsha 53-03-20 nómiri arqyly habarlasa alasyzdar.