Bul joly aǵylshyndardyń nazaryna oligarh Vladimir Potanin men Pýtinniń nemere qaryndasy Anna Tsivileva ilikti. Vladimir Potanin bailyǵynyń kólemi boiynsha Reseidegi ekinshi adam. Ol iri konglomerat «Interros» kompaniiasy men «Norilskogo nikelia» kásiporynyna ielik etetinin bilemiz.
Soǵys bastalǵaly beri Vladimir Potaninniń bailyǵy eselep ósip, Pýtin rejimin qoldaýdy bir sátke de toqtatpaǵan. Sol sebepti Ulbritaniia biliginiń kózine túsip qalǵan. Oligarh soǵys bastalǵaly beri «Rosbank» pen «Tinkoff Banktyń» aktsialyran satyp alǵany belgili. Osylaisha Potanin aǵylshyndardyń ashýyn týǵyzǵan.
Aǵylshyndar Pýtinniń nemere qaryndasy Anna Tsivilevaǵa da sanktsiia saldy. Anna Tsivileva Reseidegi eń kómir óndiretin «Grýppa Kolmar» kompaniiasyna ielik etedi. Al onyń jubaiy Sergei Tsivilev kómirge bai Kemerov oblysynyń gýbernatory. Osydan-aq kóp jaitty túsinýge bolady.
– Pýtin biligi Ýkrianaǵa ashqan soǵysyn toqtatpaiynsha, bizder Reseidiń áskeri kúsh-qýatyn álsiretý úshin ekonomikalyq shekteýlerdi jalǵastyra beremiz. Ásirese Pýtinniń jaqyndary men oǵan yqpal etetin adamdar nysanaǵy birinshi iligetin bolady, – dedi Ulybritaniia úkimeti kópshilikke tartqan habarlamasynda.
28 maýsymda AQSh-tyń Memlekettik departamenti de Reseige salynǵan sanktsiiasyn keńeitken-di. Bul joly sanktsiiaǵa 45 zańdy tulǵa men 29 jeke tulǵa ilikti. Olardyń arasynda tanymal telejúrgizýshi Tina Kandelaki men Reseidiń burynǵy qorǵanys ministri Anatolii Serdiýkov bar.
