بۇل جولى اعىلشىنداردىڭ نازارىنا وليگارح ۆلاديمير پوتانين مەن پۋتيننٸڭ نەمەرە قارىنداسى اننا تسيۆيلەۆا ٸلٸكتٸ. ۆلاديمير پوتانين بايلىعىنىڭ كٶلەمٸ بويىنشا رەسەيدەگٸ ەكٸنشٸ ادام. ول ٸرٸ كونگلومەرات «ينتەرروس» كومپانيياسى مەن «نوريلسكوگو نيكەليا» كەسٸپورىنىنا يەلٸك ەتەتٸنٸن بٸلەمٸز.
سوعىس باستالعالى بەرٸ ۆلاديمير پوتانيننٸڭ بايلىعى ەسەلەپ ٶسٸپ, پۋتين رەجيمٸن قولداۋدى بٸر سەتكە دە توقتاتپاعان. سول سەبەپتٸ ۇلبريتانييا بيلٸگٸنٸڭ كٶزٸنە تٷسٸپ قالعان. وليگارح سوعىس باستالعالى بەرٸ «روسبانك» پەن «تينكوفف بانكتىڭ» اكتسيالىران ساتىپ العانى بەلگٸلٸ. وسىلايشا پوتانين اعىلشىنداردىڭ اشۋىن تۋعىزعان.
اعىلشىندار پۋتيننٸڭ نەمەرە قارىنداسى اننا تسيۆيلەۆاعا دا سانكتسييا سالدى. اننا تسيۆيلەۆا رەسەيدەگٸ ەڭ كٶمٸر ٶندٸرەتٸن «گرۋپپا كولمار» كومپانيياسىنا يەلٸك ەتەدٸ. ال ونىڭ جۇبايى سەرگەي تسيۆيلەۆ كٶمٸرگە باي كەمەروۆ وبلىسىنىڭ گۋبەرناتورى. وسىدان-اق كٶپ جايتتى تٷسٸنۋگە بولادى.
– پۋتين بيلٸگٸ ۋكرياناعا اشقان سوعىسىن توقتاتپايىنشا, بٸزدەر رەسەيدٸڭ ەسكەري كٷش-قۋاتىن ەلسٸرەتۋ ٷشٸن ەكونوميكالىق شەكتەۋلەردٸ جالعاستىرا بەرەمٸز. ەسٸرەسە پۋتيننٸڭ جاقىندارى مەن وعان ىقپال ەتەتٸن ادامدار نىساناعى بٸرٸنشٸ ٸلٸگەتٸن بولادى, – دەدٸ ۇلىبريتانييا ٷكٸمەتٸ كٶپشٸلٸككە تارتقان حابارلاماسىندا.
28 ماۋسىمدا اقش-تىڭ مەملەكەتتٸك دەپارتامەنتٸ دە رەسەيگە سالىنعان سانكتسيياسىن كەڭەيتكەن-دٸ. بۇل جولى سانكتسيياعا 45 زاڭدى تۇلعا مەن 29 جەكە تۇلعا ٸلٸكتٸ. ولاردىڭ اراسىندا تانىمال تەلەجٷرگٸزۋشٸ تينا كاندەلاكي مەن رەسەيدٸڭ بۇرىنعى قورعانىس مينيسترٸ اناتوليي سەرديۋكوۆ بار.
