Ulttyq ekonomıka mınıstri Serik Jumanǵarın sán-saltanatqa salynatyn salyqty engizý máselesine qatysty pikir bildirdi, dep habarlaıdy Dalanews.kz.
Onyń aıtýynsha, sán-saltanatqa jeke salyq qarastyrylmaǵan, alaıda belgili bir nysandarǵa – elıtalyq jyljymaıtyn múlikke, qymbat kólikter men premıým sanattaǵy taýarlarǵa joǵary salyq salý kózdelgen.
“Ol úshin aldymen sán-saltanattyń naqty anyqtamasyn jasaý kerek”, – dedi Jumanǵarın.
Mysal retinde ol belgili bir shekti mólsherden asatyn múlik pen kólikterge salyqtyń ulǵaıatynyn aıtty:
– Eger adamnyń jyljymaıtyn múlkiniń jalpy quny 450 mıllıon teńgeden assa, salyq mólsheri ósedi;
– Avtokólikterge qoıylatyn shek – 75 mıllıon teńge;
– Sonymen qatar qymbat sıgarlar men alkogól ónimderine salyq mólsherlemesin arttyrý máselesi de qarastyrylyp jatyr.
Mınıstr mundaı júıeni engizý barysynda barynsha saqtyq tanytyp, ádiletsiz sheshimderdiń aldyn alý mańyzdy ekenin atap ótti.
