«Samuryq-Qazyna» qory Mońǵoliianyń Chinggis Khaan Sovereign Wealth Fund ókilderine arnalǵan eki kúndik onlain-vorkshop ótkizýde, dep habarlaidy dalanews.kz.
Is-shara Qazaqstan men Mońǵoliia arasynda qol jetkizilgen ýaǵdalastyqtardy tájiribe júzinde iske asyrýdyń jalǵasy boldy.
2026 jylǵy 21 sáýirde Mońǵoliia prezidentiniń Qazaqstanǵa memlekettik sapary kezinde Memleket basshysy Qasym-Jomart Toqaevtyń qatysýymen «Samuryq-Qazyna» men Chinggis Khaan Sovereign Wealth Fund arasynda ózara túsinistik jáne yntymaqtastyq týraly memorandýmǵa qol qoiylǵan.
Memorandým saraptamalyq bilim men ozyq tájiribeler almasýdy, kadrlyq áleýetti damytýdy jáne oqytý baǵdarlamalaryn uiymdastyrýdy kózdeidi.
3–4 qyrkúiekte ótip jatqan vorkshop barysynda «Samuryq-Qazyna» mamandary mońǵoliialyq áriptesterine korporativtik basqarý, adami resýrstardy basqarý, investitsiialyq jobalar, kapital naryqtary men jekeshelendirý, satyp alýlar, áleýmettik investitsiialar jáne servistik protsester boiynsha tájiribesin tanystyrady.
«Samuryq-Qazynanyń» basqarýshy direktory Saltanat Sátjan qor Qazaqstandaǵy eń iri ulttyq holding retinde jalpy somasy shamamen $88 mlrd bolatyn aktivterdi basqaratynyn atap ótti.
«Qor jumys istegen jyldar ishinde aktivterdi basqarý, korporativtik basqarý, investitsiialyq qyzmet, adami kapitaldy damytý jáne basqa da baǵyttar boiynsha eleýli tájiribe jinaqtady. Biz bul tájiribemen Chinggis Khaan Sovereign Wealth Fund qoryndaǵy áriptesterimizben bólisýge qýanyshtymyz. Biz úshin bilim almasýdyń tek teoriialyq emes, eń aldymen tájiribelik sipatta bolǵany mańyzdy. Sondyqtan vorkshop aiasynda kúndelikti jumysymyzda qoldanylatyn naqty tásilder men quraldardy qarastyramyz», – dedi ol.
Vorkshop baǵdarlamasy ulttyq ál-aýqat holdinginiń qyzmetin qamtityn jeti taqyryptyq modýlden turady. Olar korporativtik basqarý, adami resýrstardy basqarý, áleýmettik investitsiialar jáne qaiyrymdylyq, investitsiialyq jobalar portfeli, kapital naryqtary jáne jekeshelendirý, satyp alýlar, sondai-aq qordaǵy servistik protsesterge arnalǵan.
Sessiialar barysynda «Samuryq-Qazyna» mamandary topta qoldanylatyn tájiribelik tásilder men quraldardy tanystyryp, ártaraptandyrylǵan iri aktivter portfelin basqarý tájiribesimen bólisedi.
Korporativtik basqarý modeli men portfeldik kompaniialarmen ózara is-qimylǵa, investitsiialyq jobalardy baǵalaý jáne iske asyrýǵa, adami kapitaldy damytýǵa, satyp alýdyń biryńǵai júiesin uiymdastyrýǵa jáne operatsiialyq tiimdilikti arttyrýǵa erekshe nazar aýdarylýda.
Kapital naryqtary men jekeshelendirýge arnalǵan jeke modýlde memlekettik aktivterdi iske asyrý jáne portfeldik kompaniialardy IPO jáne SPO arqyly jariia naryqtarǵa shyǵarý tájiribesi tanystyryldy.
Sonymen qatar «Samuryq-Qazyna» áleýmettik investitsiialar men qaiyrymdylyq, servistik protsesterdi uiymdastyrý jáne toptaǵy qosalqy qyzmetterdi shoǵyrlandyrý baǵyttaryndaǵy tájiribesin usynady.
Eki ulttyq ál-aýqat qory arasyndaǵy tájiribe almasý Qazaqstan-Mońǵoliia seriktestigin nyǵaitýǵa jáne ulttyq aktivterdi basqarý men investitsiialar salasyndaǵy yntymaqtastyqty damytýǵa baǵyttalǵan.
«Samuryq-Qazyna» jalpy somasy shamamen $88 mlrd aktivti basqarady. Qordyń investitsiialyq portfelinde jalpy quny shamamen 52 trln teńge bolatyn 130-ǵa jýyq joba bar.
Chinggis Khaan Sovereign Wealth Fund Holding LLC – Mońǵoliianyń ulttyq ál-aýqat qory. Ol 2024 jylǵy sáýirde Erdenes Mongol memlekettik taý-ken holdinginiń qamqorlyǵymen qurylǵan. 2026 jyly Mońǵoliia úkimeti tabiǵi resýrstardy basqarý maqsatynda Erdenes Mongol aktivteri men qor aktivterin bir korporatsiiaǵa biriktirý boiynsha aýqymdy reforma júrgizdi.
