Taraptar Qor men onyń portfeldik kompaniialary qyzmetiniń ashyqtyǵyn arttyrý, sondai-aq Qor kompaniialary jumys isteitin salalardaǵy ekonomikalyq jáne qarjylyq quqyq buzýshylyqtardyń aldyn alý maqsatynda aqparat almasýǵa nietti. Bul munai-gaz, energetika, taý-ken ónerkásibi, kólik jáne telekommýnikatsiia salalaryn qamtidy.
Memorandým sondai-aq Agenttik pen Qor tobynyń uiymdary arasyndaǵy satyp alý salasyndaǵy yntymaqtastyqty qarastyrady.
Memorandým sheńberinde Agenttik tarapy Qorǵa:
- kvazimemlekettik sektordaǵy quqyq buzýshylyqtar týraly jáne qylmystyq jolmen alynǵan kiristerdi zańdastyrý faktileri jóninde aqparat berýge;
- anyqtalǵan ziian keltirý táýekelderi týraly aqparatty Qorǵa ýaqtyly jiberýge;
- Qorǵa ekonomikalyq jáne qarjylyq quqyq buzýshylyqqa qarsy is-qimyl boiynsha ádistemelik jáne konsýltatsiialyq kómek kórsetýge;
- komplaens, ishki aýdit jáne táýekelderdi basqarý fýnktsiialaryn kúsheitý úshin birlesip jumys isteýge nietti.
Qor óz kezeginde qylmyspen kúres jónindegi bastamalar men is-sharalarǵa belsendi túrde qatysady.
Qor tobynda anyqtalǵan ekonomikalyq jáne qarjylyq quqyq buzýshylyqtar týraly Agenttikke habarlaidy.
Agenttikten tiisti aqparat alǵan jaǵdaida Qor tobyna kiretin uiymdarda tekserýler júrgizedi.
Qazaqstan Respýblikasynyń ekonomikalyq jáne qarjylyq quqyq buzýshylyqtarǵa qarsy is-qimyl týraly zańnamasyn jetildirý boiynsha usynystar engizedi.
Memorandým uzaq merzimge jasaldy jáne qol qoiylǵan kúnnen bastap kúshine enedi.
