Mundai kómek búginde elordadaǵy №8 emhanasy men Ortalyq temir jol aýrýhanasyna, sondai-aq Aqtaý qalasyndaǵy Mańǵystaý oblystyq jedel jáne shuǵyl meditsnalyq kómek stansasyna kórsetildi.
– Dárigerler koronavirýsty juqtyrǵandardyń ómiri úshin bes ai boiy kúresýde. Búginde olarǵa úlken aýyrtpashylyq túsip otyr. Aktsiiaǵa qatysa otyryp, biz dárigerlerge jaǵymdy jaǵdai jasap, osy qiyn kezde qoldaý kórsetýdi jón dep taptyq, – dep atap ótti Áleýmettik ózara is-qimyl jáne kommýnikatsiia ortalyǵynyń HR-mamany Aigúl Smailova.
Aita ketý kerek, SK Volunteer volonterler ligasy «Volonter jylynda» qurylyp, «Samuryq-Qazyna» kompaniialar tobynyń barlyq qamqor qyzmetkerleri men el azamattaryn biriktirip otyr. Elimizdiń kez kelgen azamaty volunteer.sknews.kz saitynda ótinish berý arqyly volonter bola alady.
Qor janandaǵy volonterlik top tórt baǵyt boiynsha jumys isteýde. Qamqor – muqtaj adamdarǵa qamqorlyq jasaý, Umit – qoǵamdyq volonterlik jumys, Asylmura – Qazaqstan tarihyn saqtaýǵa járdemdesý, Taza Kazakhstan – tabiǵatty saqtaýǵa úles qosý.
Esterińizge sala ketsek, jaqynda Qor men Densaýlyq saqtaý ministrliginiń basshylary yntymaqtastyq týraly memorandýmǵa qol qoiǵan bolatyn. Atalǵan qujattyń aiasynda Qor 100 jedel járdem kóligin, 1000 ottegi kontsentratyn, 50 ókpeni jasandy jeldetý apparatyn, 1000 pýlsoksimetr jáne 3000 «Avifavir» virýsqa qarsy dárisin satyp alyp, Densaýlyq saqtaý ministrligine tapsyrýdy bastady.
Sonymen qatar, QR Tuńǵysh Prezidenti – Elbasy Nursultan Nazarbaevtyń tapsyrmasy boiynsha Qordyń ishki rezervterinen Nur-Sultan jáne Almaty qaladarynda infektsiialyq aýrýlardyń aldyn alý men baqylaýmen ainalysatyn eki zamanaýi meditsinalyq ortalyq qurylysyna qarjy bólenedi.
