"Samuryq-Qazyna" aýdıtorlarǵa jaýap berdi, dep habarlaıdy Dalanews.kz.

Joǵary aýdıtorlyq palata tarapynan aıtylǵan eskertýlerdiń basym bóligi qazirdiń ózinde pysyqtalyp, Qordyń negizgi baǵyttary boıynsha jol kartalaryna engizildi: qurylymdy ońtaılandyrý, prosesterdi sıfrlandyrý, basqarý deńgeılerin qysqartý jáne t.b. Bul is-sharalardyń edáýir bóligi belsendi túrde iske asyrylyp jatyr.

Qor qurylymdy aıtarlyqtaı ońtaılandyrdy – uıymdar sany 10 jyl ishinde 593-ten 327 kompanıaǵa deıin qysqardy jáne bul jumystar jalǵasýda. Tıimsiz kompanıalar qysqartylyp, basqarý júıesi jeńildetildi, operasıalyq tıimdilik bolsa artyp keledi.

Sonymen qatar, Qorda qarjylyq kórsetkishter, ıaǵnı kirister, taza paıda, memleketke tólenetin dıvıdendter turaqty ósýde. Investısıalyq portfelde jalpy quny 53 trln teńgeni quraıtyn iske asyrylyp jatqan jáne bolashaǵy zor 130 joba bar jáne olardyń oryndalýyna baqylaý aıtarlyqtaı kúsheıtildi.

Budan bólek, Qor kólik jáne logıstıka, energetıka, munaı-gaz jáne ózge de salalardaǵy áleýmettik jáne ınfraqurylymdyq basym jobalardy qarjylandyrýdy jalǵastyryp, ekonomıkanyń damýyna jáne azamattardyń ómir súrý sapasyn arttyrýǵa úles qosýda.

Eske salaıyq, buǵan deıin «Samuryq-Qazynaǵa» aýdıt júrgizilip, 122,2 mlrd teńge tıimsiz jumsalǵany anyqtalǵan bolatyn.