Nursultan Nazarbaevtyń nemere inisi Samat Ábishke qatysty qylmystyq is sotqa jiberildi. Bul týraly Ulysmedia.kz saitynyń saýalyna bergen jaýabynda Bas prokýratýranyń Sotqa deiingi tergeý qyzmetiniń basshysy Ojarov málim etken, - dep jazady Dalanews.kz.
Aita keteiik, Samat Ábish 2022 jylǵy qańtar oqiǵasynan keiin quqyq qorǵaý organdarynyń nazaryna túskenimen, UQK tóraǵasynyń basqa úsh orynbasary sekildi qamaýǵa alynǵan joq, bostandyqta júrdi. Tergeýge tek kýáger retinde shaqyryldy. Áitse de K.Másimovtiń birinshi orynbasary bolyp turǵanda, "memlekettik tóńkeris jaily bilgen joqpyn" degenine ózinen basqanyń bári kúmánmen qarady.
Prokýrorlar sol kezde eks-Elbasynyń inisi QR Qylmystyq kodeksiniń 362-baby, 4-bóligine sáikes, "bilikti jáne qyzmettik ókilettikterin asyra paidalandy" degen kúdikke ilingenin, eshqaida ketpeý týraly qolhatpen ǵana bostandyqqa shyqqanyn habarlaǵan edi.
Samat Ábishtiń tergeý kezinde qamaýǵa alynbai, bostandyqta bolǵanyn qalai túsinemiz? Eger sotta onyń kinási dáleldense, ony qandai jaza kútip tur?
Sybystar, boljamdar jáne baspasóz habarlamasy
"Qaiǵyly qańtardan" keiin birden qyzmetten qýylǵan Samat Ábishtiń aldaǵy taǵdyry týraly qaýeset aqparat aidynynda keń talqylandy. Bireýler ony ustalypty dese, endi biri ol elden qashyp ketipti degen syńaida áńgime órbitti.
2022 jyldyń maýsym aiynda Bas prokýratýra ókilderi jýrnalisterdiń suraqtaryna jaýap bere otyryp, Ábishtiń belgili bir qylmystyq is boiynsha «tergeý orbitasynda» ekenin, múmkin, baiqaýsyzda, múmkin, ádeiilep aityp qaldy. Sol jyldyń shilde aiynyń sońynda Samat Ábishten "Kárim Másimov pen basqa da aiyptalýshylardyń isi" boiynsha jaýap alynǵany habarlandy. Budan keiin vedomstvo Samat Ábish qamaýǵa alynǵan burynǵy áriptesterine qatysty qylmystyq iste kýáger bolǵanyn, al S.Ábishtiń ózine qatysty qylmystyq is ulttyq qaýipsizdik organdarynda tirkelmegenin, sondyqtan bultartpaý sharasy qoldanylmaǵanyn málimdedi.
Bas prokýratýra 2023 jyldyń qyrkúieginde kópshiliktiń kókeiinde júrgen máselege qatysty aqparat aitty. Elimizdiń joǵarǵy qadaǵalaý organy óziniń baspasóz habarlamasynda Ulttyq qaýipsizdik komiteti tóraǵasynyń burynǵy birinshi orynbasary Samat Ábishke qatysty sotqa deiingi tergeý júrip jatqanyn habarlady. Ol qańtar oqiǵasy kezinde biligi men qyzmettik ókilettigin asyra paidalandy degen kúdikke ilingen.
Aitpaqshy, bul aqparat qańtar oqiǵasy boiynsha aiyptalǵan Ulttyq qaýipsizdik komiteti besinshi basqarmasynyń burynǵy basshysy Rýslan Ysqaqov sot protsesi kezinde «Qantarda» ózine buiryq bergen basqa emes, dál osy Samat Ábish ekenin aitqannan keiin týra bir táýlik ótkende habarlandy.
"Olar maǵan Samat Ábishtiń buiryǵyn oryndadym dep aitýyma tyiym saldy", - dedi Rýslan Ysqaqov sot otyrysynda sóilegen sózinde.
Keiin Májilis kýlýarynda Bas prokýrordyń orynbasary Áset Shyńdaliev Samat Ábishtiń isine qatysty pikir bildirdi. Jýrnalisterdiń suraqtaryna jaýap bergen ol tergeý «Qupiia» grifimen júrip jatqanyn alǵa tartyp, is barysyn egjei-tegjeili aitpady.
– Is boiynsha tergeý júrip jatyr, - dedi ol.
– Qandai epizodtar boiynsha ekenin aita almaimyn. Men tipti bilmeimin de. Másimov, onyń orynbasarlary, Samat Ábish – bári de ulttyq qaýipsizdik komitetiniń qyzmetkerleri. Al bul jaǵdaida tek sizderge ǵana emes, maǵan da kórýge ruqsat etilmegen qujattar bar.
Qoiylǵan suraqtarǵa Shyńdalievtiń bergen eń shynaiy jaýaby – Samat Ábishtiń eshqaida ketpeý týraly qolhatpen bosatylǵany jaily aqparat.
Ol qazir elde, - dep qysqa qaiyrdy Bas prokýrordyń orynbasary.
– Astanada ma, Almatyda ma, bilmeimin. Quqyqtyq statýsy týraly da bilmeimin. Qylmystyq istiń barysy jaily aita almaimyn, biraq qańtar oqiǵasy kezinde qyzmettik ókilettigin asyra paidalanǵany úshin is qozǵalǵany anyq, - dedi Shyńdaliev. Jýrnalisterdiń S.Ábishtiń bostandyqta bolýyna N.Nazarbaevpen týysqandyǵy áser etti me degen suraqqa ol «joq» dep jaýap berdi.
Bas prokýratýra basshylyǵy suraqqa jaýap berýden qashqaqtaǵan.
Tek aitatyndary: "Ábish S.S.-nyń qylmystyq isi boiynsha memlekettik qupiiaǵa jatatyn málimetter bar. Osyny eskere otyryp, sotqa deiingi tergep-tekserý derekteri jariialanbaidy" delingen jaýap hatta.
Sýret: Aqorda
