Ol jeltoqsanshylardyń erliginiń arqasynda búginde barsha qazaqstandyqtardyń ulttyq qadir-qasıeti men qundylyqtaryn saqtaı otyryp, táýelsiz elde ómir súrip jatqanyn atap ótti.
Qazaqstan Respýblıkasynyń táýelsiz memleket bolǵanyna 31 jyl boldy. Ol úshin talaı qıyndyqty basynan ótkergen halqymyz úshin Táýelsizdik – eń asyl qazyna. Táýelsizdik – bizdiń oryndalǵan armanymyz, bul eń aldymen qazaq halqynyń azattyqqa umtylǵan erliginiń jemisi, – dedi kandıdat.
«Táýelsizdik tańy» monýmenti 2006 jyly 18 qyrkúıekte Almatyda 1986 jylǵy Jeltoqsan oqıǵasy qurbandaryn eske alý maqsatynda ashylǵan. Jobanyń sáýletshisi ári dızaıneri – Tımýr Súleımenov. Eskertkish ulttyq sananyń ósýin jáne azattyqtyń saltanat qurýyn beıneleıtin eki tireýishten turady. Kompozısıanyń ortasynda turǵan qyz erkindik sımvolyn bildiredi. Oń qolyndaǵy oramal – adamdardy tatýlyqqa shaqyratyn sımvol, sol qolynda – beıbitshilik pen tatýlyqtyń sımvoly, erkindikke degen umtylysty beıneleıtin kógershin ornatylǵan.
Eske salaıyq, Saltanat Tursynbekova Almatyda tutynýshylardyń quqyqtaryn qorǵaý máseleleri boıynsha azamattarmen, zıatkerlik menshikti qorǵaý taqyrybyn qozǵap qalalyq quqyq qorǵaýshylarmen jáne qoǵamdyq pikir kóshbasshylarymen, Qazaq ulttyq qyzdar pedagogıkalyq ýnıversıtetiniń stýdentterimen, sondaı-aq «Rodnık» daǵdarys ortalyǵynyń basshysymen túrli kezdesýler ótkizdi.
Almaty – kandıdattyń saılaý aldyndaǵy úgit-nasıhat saparymen barǵan altynshy óńiri. Quqyq qorǵaýshy buǵan deıin elordada, Qaraǵandy, Aqmola, Túrkistan oblystary men Shymkent qalasynda bolǵan.
