ول جەلتوقسانشىلاردىڭ ەرلىگىنىڭ ارقاسىندا بۇگىندە بارشا قازاقستاندىقتاردىڭ ۇلتتىق قادىر-قاسيەتى مەن قۇندىلىقتارىن ساقتاي وتىرىپ، تاۋەلسىز ەلدە ءومىر ءسۇرىپ جاتقانىن اتاپ ءوتتى.
قازاقستان رەسپۋبليكاسىنىڭ تاۋەلسىز مەملەكەت بولعانىنا 31 جىل بولدى. ول ءۇشىن تالاي قيىندىقتى باسىنان وتكەرگەن حالقىمىز ءۇشىن تاۋەلسىزدىك – ەڭ اسىل قازىنا. تاۋەلسىزدىك – ءبىزدىڭ ورىندالعان ارمانىمىز، بۇل ەڭ الدىمەن قازاق حالقىنىڭ ازاتتىققا ۇمتىلعان ەرلىگىنىڭ جەمىسى، – دەدى كانديدات.
«تاۋەلسىزدىك تاڭى» مونۋمەنتى 2006 جىلى 18 قىركۇيەكتە الماتىدا 1986 جىلعى جەلتوقسان وقيعاسى قۇرباندارىن ەسكە الۋ ماقساتىندا اشىلعان. جوبانىڭ ساۋلەتشىسى ءارى ديزاينەرى – تيمۋر سۇلەيمەنوۆ. ەسكەرتكىش ۇلتتىق سانانىڭ ءوسۋىن جانە ازاتتىقتىڭ سالتانات قۇرۋىن بەينەلەيتىن ەكى تىرەۋىشتەن تۇرادى. كومپوزيسيانىڭ ورتاسىندا تۇرعان قىز ەركىندىك سيمۆولىن بىلدىرەدى. وڭ قولىنداعى ورامال – ادامداردى تاتۋلىققا شاقىراتىن سيمۆول، سول قولىندا – بەيبىتشىلىك پەن تاتۋلىقتىڭ سيمۆولى، ەركىندىككە دەگەن ۇمتىلىستى بەينەلەيتىن كوگەرشىن ورناتىلعان.
ەسكە سالايىق، سالتانات تۇرسىنبەكوۆا الماتىدا تۇتىنۋشىلاردىڭ قۇقىقتارىن قورعاۋ ماسەلەلەرى بويىنشا ازاماتتارمەن، زياتكەرلىك مەنشىكتى قورعاۋ تاقىرىبىن قوزعاپ قالالىق قۇقىق قورعاۋشىلارمەن جانە قوعامدىق پىكىر كوشباسشىلارىمەن، قازاق ۇلتتىق قىزدار پەداگوگيكالىق ۋنيۆەرسيتەتىنىڭ ستۋدەنتتەرىمەن، سونداي-اق «رودنيك» داعدارىس ورتالىعىنىڭ باسشىسىمەن ءتۇرلى كەزدەسۋلەر وتكىزدى.
الماتى – كانديداتتىڭ سايلاۋ الدىنداعى ۇگىت-ناسيحات ساپارىمەن بارعان التىنشى ءوڭىرى. قۇقىق قورعاۋشى بۇعان دەيىن ەلوردادا، قاراعاندى، اقمولا، تۇركىستان وبلىستارى مەن شىمكەنت قالاسىندا بولعان.
