Qazaqstannyń mańyzdy tulǵalary panteonyna turmystyq zorlyq-zombylyqtan qaza tapqan Saltanat Núkenovanyń esimi endi. Bul týraly onyń aǵasy Aitbek Amangeldi málimdedi, dep habarlaidy Dalanews.kz.
Onyń sózinshe, anasymen birge Qostanai oblysyndaǵy "Amangeldi" keshenine arnaiy barǵan. Munda memorialdyq taqta men panteon ornalasqan.
"Osy panteonda Qazaqstan tarihyndaǵy mańyzdy tulǵalar qatarynda Saltanattyń aty jazylǵan memorialdyq taqta qoiyldy. Buǵan deiin biz Pavlodardan topyraq aparyp, memorialda kapsýlaǵa salǵanbyz. Munda Saltanatty Qazaqstan tarihyna yqpal etken tarihi tulǵalar qataryna engizdi", – dep jazdy Aitbek Amangeldi.
Aita keteiik, 2024 jyly 26 maýsymda Qýandyq Bishimbaev pen Baqytjan Baijanovqa qatysty qylmystyq istiń apelliatsiialyq sot otyrysy bolǵan edi. Alaida olardyń apelliatsiialyq ótinishi qanaǵattandyrylmady.
Qýandyq Bishimbaev 24 jylǵa, inisi Baqytjan Baijanov 4 jylǵa sottalǵan bolatyn.
