Áielin óltirdi degen aiyp taǵylyp otyrǵan eks-ministr Qýandyq Bishimbaevtyń isi boiynsha Astana qalasynyń mamandandyrylǵan aýdanaralyq sotynda sot otyrysy jalǵasyp jatyr. Protsess barysynda jábirlenýshi tarap ókili, iaǵni Saltanat Núkenovanyń aǵasy Aitbek Amangeldi Qýandyq Bishimbaevqa suraqtar qoidy, - dep habarlaidy Dalanews.kz.
Sotta Aitbek Amangeldi Qýandyq Bishimbaevtan "qazir Saltanattyń denesi qaida ekenin bilesiń be?" -dep surady.
"Pavlodar qalasynda", - dep jaýap berdi Bishimbaev.
Artynsha jábirlenýshi tarap ókili "naqty qaida?" dep suraqty naqtylady. Al Bishimbaev naqty qaida ekenin bilmeitinin aitty.
"Men aitsam bola ma? Túsinseń, Saltanattyń denesi jer astynda jatyr", - dedi Aitbek Amangeldi.
Sonymen qatar, Núkenovanyń aǵasy marqum qaryndasy soqqylardan qalai qorǵanyn surady.
"Ol burylýǵa tyrysty. Esimde joq (qolymen betin kólegeiledi me - esk?)", - dedi eks-ministr.
Aita keteiik, 27 naýryzda eks-ministr Qýandyq Bishimbaevtyń isi boiynsha alqabiler tańdalǵan edi. Alqabiler alqasyna 12 adam irikteldi: 10 – negizgi quram, 2 – qosalqy. Sodan keiin ashyq sot otyrystary bastaldy.
Sonymen qatar, Qýandyq Bishimbaev sotta Saltanat Núkenovany asa qatygezdikpen óltirgenin moiyndamady. Bul oqiǵa 2023 jyly 9 qarashada Astana qalasyndaǵy BAU meiramhanasynda boldy.
Sot otyrystarynda oqiǵa bolǵan kezdiń, dálirek, Bishimbaev Saltanatty shashynan súirep, tepkilegen sumdyq kadrlar kórsetildi.
Al búgin Qýandyq Bishimbaev Saltanat Núkenova qaitys bolǵan túni ne úshin kóripkelge habarlasqanyn túsindirdi. Onyń sózinshe, qaiǵyly oqiǵa bolǵan túni jedel járdem shaqyrýdyń ornyna habarlasqan kóripkel Shymkentte turady.
"Bizneske qatysty suraqtarǵa bailanysty habarlasyp turatynmyn. Onyń meditsinalyq bilimi bar-joǵyn bilmeimin. Oǵan senetinmin", - deidi Bishimbaev.
Sonymen qatar, eks-ministr qaiǵyly oqiǵa bolǵan túni nelikten basqa qalada júrgen kóripkelge habarlasqanyn aitty.
"Siz (advokat - esk.) Saltanat meditsinalyq kómekke zárý bolyp jatqanda deisiz. Meniń túsinigimde ol (Saltanat - esk.) uiyqtap jatqan bolatyn. Men oǵan (kóripkelge - esk.) sengenmin dep aittym. Betinde sol jaǵynda kógerip turǵan jer úlkeie bastady. Ol qaidan shyqqanyn suraiyn dedim. Kóripkel "bári durys, keshke deiin uiyqtasyn, sharshaǵan ǵoi" dedi", - deidi Bishimbaev.
