ەيەلٸن ٶلتٸردٸ دەگەن ايىپ تاعىلىپ وتىرعان ەكس-مينيستر قۋاندىق بيشٸمباەۆتىڭ ٸسٸ بويىنشا استانا قالاسىنىڭ مامانداندىرىلعان اۋدانارالىق سوتىندا سوت وتىرىسى جالعاسىپ جاتىر. پروتسەسس بارىسىندا جەبٸرلەنۋشٸ تاراپ ٶكٸلٸ, ياعني سالتانات نٷكەنوۆانىڭ اعاسى ايتبەك امانگەلدٸ قۋاندىق بيشٸمباەۆقا سۇراقتار قويدى, - دەپ حابارلايدى Dalanews.kz.
سوتتا ايتبەك امانگەلدٸ قۋاندىق بيشٸمباەۆتان "قازٸر سالتاناتتىڭ دەنەسٸ قايدا ەكەنٸن بٸلەسٸڭ بە?" -دەپ سۇرادى.
"پاۆلودار قالاسىندا", - دەپ جاۋاپ بەردٸ بيشٸمباەۆ.
ارتىنشا جەبٸرلەنۋشٸ تاراپ ٶكٸلٸ "ناقتى قايدا?" دەپ سۇراقتى ناقتىلادى. ال بيشٸمباەۆ ناقتى قايدا ەكەنٸن بٸلمەيتٸنٸن ايتتى.
"مەن ايتسام بولا ما? تٷسٸنسەڭ, سالتاناتتىڭ دەنەسٸ جەر استىندا جاتىر", - دەدٸ ايتبەك امانگەلدٸ.
سونىمەن قاتار, نٷكەنوۆانىڭ اعاسى مارقۇم قارىنداسى سوققىلاردان قالاي قورعانىن سۇرادى.
"ول بۇرىلۋعا تىرىستى. ەسٸمدە جوق (قولىمەن بەتٸن كٶلەگەيلەدٸ مە - ەسك?)", - دەدٸ ەكس-مينيستر.
ايتا كەتەيٸك, 27 ناۋرىزدا ەكس-مينيستر قۋاندىق بيشٸمباەۆتىڭ ٸسٸ بويىنشا القابيلەر تاڭدالعان ەدٸ. القابيلەر القاسىنا 12 ادام ٸرٸكتەلدٸ: 10 – نەگٸزگٸ قۇرام, 2 – قوسالقى. سودان كەيٸن اشىق سوت وتىرىستارى باستالدى.
سونىمەن قاتار, قۋاندىق بيشٸمباەۆ سوتتا سالتانات نٷكەنوۆانى اسا قاتىگەزدٸكپەن ٶلتٸرگەنٸن مويىندامادى. بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
سوت وتىرىستارىندا وقيعا بولعان كەزدٸڭ, دەلٸرەك, بيشٸمباەۆ سالتاناتتى شاشىنان سٷيرەپ, تەپكٸلەگەن سۇمدىق كادرلار كٶرسەتٸلدٸ.
ال بٷگٸن قۋاندىق بيشٸمباەۆ سالتانات نٷكەنوۆا قايتىس بولعان تٷنٸ نە ٷشٸن كٶرٸپكەلگە حابارلاسقانىن تٷسٸندٸردٸ. ونىڭ سٶزٸنشە, قايعىلى وقيعا بولعان تٷنٸ جەدەل جەردەم شاقىرۋدىڭ ورنىنا حابارلاسقان كٶرٸپكەل شىمكەنتتە تۇرادى.
"بيزنەسكە قاتىستى سۇراقتارعا بايلانىستى حابارلاسىپ تۇراتىنمىن. ونىڭ مەديتسينالىق بٸلٸمٸ بار-جوعىن بٸلمەيمٸن. وعان سەنەتٸنمٸن", - دەيدٸ بيشٸمباەۆ.
سونىمەن قاتار, ەكس-مينيستر قايعىلى وقيعا بولعان تٷنٸ نەلٸكتەن باسقا قالادا جٷرگەن كٶرٸپكەلگە حابارلاسقانىن ايتتى.
"سٸز (ادۆوكات - ەسك.) سالتانات مەديتسينالىق كٶمەككە زەرۋ بولىپ جاتقاندا دەيسٸز. مەنٸڭ تٷسٸنٸگٸمدە ول (سالتانات - ەسك.) ۇيىقتاپ جاتقان بولاتىن. مەن وعان (كٶرٸپكەلگە - ەسك.) سەنگەنمٸن دەپ ايتتىم. بەتٸندە سول جاعىندا كٶگەرٸپ تۇرعان جەر ٷلكەيە باستادى. ول قايدان شىققانىن سۇرايىن دەدٸم. كٶرٸپكەل "بەرٸ دۇرىس, كەشكە دەيٸن ۇيىقتاسىن, شارشاعان عوي" دەدٸ", - دەيدٸ بيشٸمباەۆ.
