Astanada turǵyn úi kesheniniń aýlasynda qoǵamdyq tártipti buzǵan eki azamat ákimshilik jaýapkershilikke tartyldy, dep habarlaidy dalanews.kz.
Politsiianyń málimetinshe, áleýmettik jelilerge júrgizilgen monitoring barysynda jańbyrdan keiin jinalǵan shalshyq sýda otyrǵan eki er adamnyń alkogoldik ishimdik iship, sýdy balalarǵa qarai shashyp jatqan sáti beinejazbaǵa túsip qalǵan.
Tekserý nátijesinde oqiǵaǵa qatysýshylardyń 37 jastaǵy Aleksei Sviridov pen 35 jastaǵy Vladimir Logvin ekeni anyqtaldy. Eki azamatqa da usaq buzaqylyq jasaǵany úshin ákimshilik hattama toltyryldy.
Sot sheshimimen Aleksei Sviridov 25 táýlikke ákimshilik qamaýǵa alynsa, Vladimir Logvin 7 táýlikke qamaýǵa alyndy.
Quqyq qorǵaý organdary qoǵamdyq oryndarda azamattardyń tynyshtyǵy men qaýipsizdigine nuqsan keltiretin áreketterge jol berilmeitinin eskertip, mundai quqyq buzýshylyqtarǵa zań aiasynda qatań shara qoldanylatynyn málimdedi.
Aita keteiik, oqiǵa túsirilgen video áleýmettik jelilerde keńinen taralyp, qyzý talqylanǵan bolatyn.
