Májilis depýtaty, «Amanat» partiiasynyń múshesi Erbol Sairov «Ádilet» partiiasynyń «Amanatqa» qosylýyn Qazaqstannyń saiasi júiesin burynǵy prezident Nursultan Nazarbaev kezeńinen túbegeili ajyratýǵa baǵyttalǵan qadam dep baǵalady, dep habarlaidy dalanews.kz.
Depýtattyń aitýynsha, partiia ataýy «Nur Otannan» «Amanatqa» ózgergenimen, qoǵamda onyń burynǵy saiasi júiemen bailanysy týraly pikirler saqtalyp keldi.
«Nur Otan ataýy ózgergenimen, Amanattyń artynan Nazarbaevtyń qulaǵy shyǵyp turatyndai kórinetin», – dedi Erbol Sairov.
Onyń pikirinshe, «Ádilet» partiiasymen birigý saiasi uiymnyń jańa kezeńge ótýine múmkindik beredi jáne burynǵy saiasi muradan tolyq arylýdyń simvoldyq ári saiasi mańyzy bar qadam sanalady.
Sairov partiialyq júiedegi ózgeristerdiń maqsaty jańarý úderisin jalǵastyrý jáne qoǵamnyń saiasi institýttarǵa degen senimin kúsheitý ekenin atap ótti.
Eske salaiyq, búgin «Amanat» partiiasynyń kezekten tys sezinde «Ádilet» partiiasyn «Amanat» partiiasyna qosý týraly sheshim qabyldandy.
