Saǵyntaevtyń tapsyrmasyna orai tapshy meditsinalyq kadrlardy oqytýǵa 120 grant bólindi
Almaty qalasy ákiminiń orynbasary Erjan Babaqumarovtyń tóraǵalyq etýimen ótken jergilikti atqarýshy organnyń qarjysy esebinen memlekettik bilim berý tapsyrysyn ornalastyrý máselesi boiynsha qalalyq komissiianyń onlain-keńesi barysynda naryqtyń qajettiligin eskere otyryp, joǵary jáne joǵary oqý ornynan keiingi bilim berý uiymdarynda kadrlardy daiarlaý jónindegi tiisti máseleler qaraldy.
Máselen, Almaty qalasy ákimdiginiń qarjysy esebinen klinikalyq mamandyqtardy daiarlaý boiynsha 120 grant bólindi, onyń ishinde maqsatty rezidentýraǵa (110 grant) jáne magistratýraǵa (10 grant) jáne S. D. Asfendiiarov atyndaǵy Qazaq ulttyq meditsinalyq ýniversitetine «epidemiologiia» mamandyǵyna, Qazaqstan-Resei meditsinalyq ýniversitetine (ýniversitetter memlekettik bilim granttaryn ornalastyrýdyń konkýrstyq tártibi boiynsha anyqtaldy) berildi.
Búginde Almatyda kadrlar tapshylyǵy 300-den astam dárigerdi quraidy. Memlekettik bilim berý tapsyrysy aiasynda respýblikalyq biýdjet esebinen klinikalyq mamandyqtar boiynsha rezidentýrada oqýǵa 38 grant bólinedi. Ákimdik usynatyn 120 grant meditsinalyq aqparattyq júieler derekteri negizinde jáne "Almaty qalasynda meditsina kadrlarynyń tapshylyǵyn tómendetý boiynsha qabyldanyp jatqan sharalar týraly" Jol kartasyn iske asyrý aiasynda, sondai-aq kadrlarmen qamtamasyz etý salasyndaǵy dinamikany eskere otyryp jasalǵan asa tapshy dárigerlik mamandyqtardy daiarlaýǵa negizdelgen. Jalpy, kadrlar tapshylyǵyn aldaǵy 2-3 jylda jabý josparlanýda.
Aita keterligi, komissiia úmitkerler joq mamandyqtar boiynsha granttardy suranysy joǵary, sonymen qatar «kardiohirýrgiia», «neonatologiia» mamandyqtary boiynsha granttar sanyn kóbeitý úshin qaita bólý týraly sheshim qabyldady. Sonymen qatar, kovidtik jáne kovidtik emes statsionarlarǵa qajet mamandar eskerildi.
Sonymen, granttar kelesi mamandyqtar boiynsha berildi: anesteziologiia jáne reanimatsiia – 35 grant, juqpaly aýrýlar – 18, terapiia – 10, pýlmonologiia – 6, kardiologiia – 2, pediatriia – 9, neonatologiia – 3, nevrologiia – 3, otolaringologiia – 6, klinikalyq farmakologiia – 2, gastroenterologiia – 6, oftalmologiia – 3, endokrinologiia – 3, balalar hirýrgiiasy – 2, travmatologiia jáne ortopediia – 2, jedel meditsinalyq kómek – 3, fizikalyq meditsina jáne ońaltý– 5, neirohirýrgiia – 2.
2-3 jyldyq oqý aiaqtalǵannan keiin Almaty qalasynyń memlekettik meditsinalyq uiymdarynda jáne qalanyń Qoǵamdyq densaýlyq basqarmasyna baǵynyshty uiymdarda tiisti mamandyq boiynsha 5 jyl jumys isteý qarastyrylǵan.
