Memleket basshysy bilimge, muǵalimderge qoldaý kórsetýge, olardyń eńbek jaǵdaılaryn jaqsartýǵa erekshe nazar aýdardy. Máselen, jyl basynan beri muǵalimderdiń jalaqysy 25 paıyzǵa ósti. Almatyda jas muǵalimniń ortasha jalaqysy 157 myń teńgeni quraıdy. Jalaqyny ósirý esebinen muǵalimderdiń ortasha jalaqysy 2022 jyly 183 myń teńgeni quraıtyn bolady.
Pedagogtardyń motıvasıasy men biliktilik deńgeıin arttyrý, bilim berý qyzmetkerleriniń kadrlyq áleýetin damytý úshin «Almaty mektepteri» qalalyq baǵdarlamasy júzege asyrylatyn bolady.
Bul rette Memleket basshysynyń tapsyrmasyna sáıkes qashyqtan bilim berý formattary úshin aqparattyq júıelerdiń sapasyn arttyrý máselesi pysyqtalatyn bolady. Bul rette qalanyń jekelegen yqshamaýdandarynda ınternettiń ótkizý qabilettiligin arttyrý máselelerin sheshýge nazar aýdarylady.
Budan basqa, 2025 jylǵa qaraı barlyq bilim berý uıymdarynda qoljetimdilikti qamtamasyz etý jáne ınklúzıvti bilim berý jumysy jalǵasatyn bolady. Baqytjan Saǵyntaev Bilim basqarmasyna halyqaralyq pándik olımpıadalardyń jeńimpazdary men júldegerlerin joǵary oqý oryndaryna konkýrstyq negizde túsýge granttarmen qamtamasyz etý máselesin pysyqtaýdy tapsyrdy.
Daryndy balalardy jan-jaqty qoldaý, olarǵa bir rettik aqshalaı syılyqaqy tóleý, sondaı-aq daryndy oqýshylardy tárbıelegen muǵalimderdi kótermeleý múmkindigi de qarastyrylatyn bolady.
Áleýmettik qorǵalmaǵan otbasynan shyqqan 23 myń balaǵa Jappaı bilim berý qorynyń kómegi kórsetildi. Jańa oqý jylynyń bastalýymen «Mektepke jol» aksıasy arqyly 800 mıllıon teńgeden astam kómek kórsetildi. Sonymen qatar, osy sanattaǵy balalar mektepte tegin tamaqtanatyn bolady.
Negizgi máselelerdiń biri – oqýshy oryndarynyń tapshylyǵyn azaıtý. Bıyl 3,5 myń oqýshyǵa arnalǵan 11 jekemenshik mektep ashyldy, 4 150 oryndyq 9 jańa ǵımarat paıdalanýǵa berildi. 4 113 oryndyq taǵy 8 ǵımarat qazan aıynyń sońyna deıin paıdalanýǵa beriledi.
Sonymen qatar, 12,6 myń oqýshyǵa arnalǵan 8 mekteptiń qurylysy júrgizilýde. Sondaı -aq, 2023 jylǵa qaraı 2 650 oryndyq tórt mektep pen 2 650 oryndyq bar mektepter úshin 7 ǵımarat salý josparlanýda. 2 340 balaǵa arnalǵan 10 balabaqshanyń qurylysy boıynsha jobalar ázirlenýde.
Memleket basshysynyń 2025 jyldyń sońyna deıin myńdaǵan mektepterdiń qurylysy boıynsha qoıǵan tapsyrmasyn oryndaý maqsatynda Almaty ákimi Baqytjan Saǵyntaev oqýshy oryndaryn ulǵaıtý boıynsha sharalar men jańa tásilder keshenin ázirleýdi tapsyrdy.
NEET sanatyndaǵy jastarǵa nazar aýdara otyryp, «Tegin TjKB» jobasyn iske asyrý jónindegi nusqaýlyqqa sáıkes balalardy kásipke erte baǵyttaý boıynsha jumys kúsheıtiledi. Bul rette ulttyq sıfrlandyrý jobasy aıasynda joǵary sapaly AT mamandaryn daıarlaýǵa basa nazar aýdarylatyn bolady.
