مەملەكەت باسشىسى بٸلٸمگە, مۇعالٸمدەرگە قولداۋ كٶرسەتۋگە, ولاردىڭ ەڭبەك جاعدايلارىن جاقسارتۋعا ەرەكشە نازار اۋداردى. مەسەلەن, جىل باسىنان بەرٸ مۇعالٸمدەردٸڭ جالاقىسى 25 پايىزعا ٶستٸ. الماتىدا جاس مۇعالٸمنٸڭ ورتاشا جالاقىسى 157 مىڭ تەڭگەنٸ قۇرايدى. جالاقىنى ٶسٸرۋ ەسەبٸنەن مۇعالٸمدەردٸڭ ورتاشا جالاقىسى 2022 جىلى 183 مىڭ تەڭگەنٸ قۇرايتىن بولادى.
پەداگوگتاردىڭ موتيۆاتسيياسى مەن بٸلٸكتٸلٸك دەڭگەيٸن ارتتىرۋ, بٸلٸم بەرۋ قىزمەتكەرلەرٸنٸڭ كادرلىق ەلەۋەتٸن دامىتۋ ٷشٸن «الماتى مەكتەپتەرٸ» قالالىق باعدارلاماسى جٷزەگە اسىرىلاتىن بولادى.
بۇل رەتتە مەملەكەت باسشىسىنىڭ تاپسىرماسىنا سەيكەس قاشىقتان بٸلٸم بەرۋ فورماتتارى ٷشٸن اقپاراتتىق جٷيەلەردٸڭ ساپاسىن ارتتىرۋ مەسەلەسٸ پىسىقتالاتىن بولادى. بۇل رەتتە قالانىڭ جەكەلەگەن ىقشاماۋداندارىندا ينتەرنەتتٸڭ ٶتكٸزۋ قابٸلەتتٸلٸگٸن ارتتىرۋ مەسەلەلەرٸن شەشۋگە نازار اۋدارىلادى.
بۇدان باسقا, 2025 جىلعا قاراي بارلىق بٸلٸم بەرۋ ۇيىمدارىندا قولجەتٸمدٸلٸكتٸ قامتاماسىز ەتۋ جەنە ينكليۋزيۆتٸ بٸلٸم بەرۋ جۇمىسى جالعاساتىن بولادى. باقىتجان ساعىنتاەۆ بٸلٸم باسقارماسىنا حالىقارالىق پەندٸك وليمپيادالاردىڭ جەڭٸمپازدارى مەن جٷلدەگەرلەرٸن جوعارى وقۋ ورىندارىنا كونكۋرستىق نەگٸزدە تٷسۋگە گرانتتارمەن قامتاماسىز ەتۋ مەسەلەسٸن پىسىقتاۋدى تاپسىردى.
دارىندى بالالاردى جان-جاقتى قولداۋ, ولارعا بٸر رەتتٸك اقشالاي سىيلىقاقى تٶلەۋ, سونداي-اق دارىندى وقۋشىلاردى تەربيەلەگەن مۇعالٸمدەردٸ كٶتەرمەلەۋ مٷمكٸندٸگٸ دە قاراستىرىلاتىن بولادى.
ەلەۋمەتتٸك قورعالماعان وتباسىنان شىققان 23 مىڭ بالاعا جاپپاي بٸلٸم بەرۋ قورىنىڭ كٶمەگٸ كٶرسەتٸلدٸ. جاڭا وقۋ جىلىنىڭ باستالۋىمەن «مەكتەپكە جول» اكتسيياسى ارقىلى 800 ميلليون تەڭگەدەن استام كٶمەك كٶرسەتٸلدٸ. سونىمەن قاتار, وسى ساناتتاعى بالالار مەكتەپتە تەگٸن تاماقتاناتىن بولادى.
نەگٸزگٸ مەسەلەلەردٸڭ بٸرٸ – وقۋشى ورىندارىنىڭ تاپشىلىعىن ازايتۋ. بيىل 3,5 مىڭ وقۋشىعا ارنالعان 11 جەكەمەنشٸك مەكتەپ اشىلدى, 4 150 ورىندىق 9 جاڭا عيمارات پايدالانۋعا بەرٸلدٸ. 4 113 ورىندىق تاعى 8 عيمارات قازان ايىنىڭ سوڭىنا دەيٸن پايدالانۋعا بەرٸلەدٸ.
سونىمەن قاتار, 12,6 مىڭ وقۋشىعا ارنالعان 8 مەكتەپتٸڭ قۇرىلىسى جٷرگٸزٸلۋدە. سونداي -اق, 2023 جىلعا قاراي 2 650 ورىندىق تٶرت مەكتەپ پەن 2 650 ورىندىق بار مەكتەپتەر ٷشٸن 7 عيمارات سالۋ جوسپارلانۋدا. 2 340 بالاعا ارنالعان 10 بالاباقشانىڭ قۇرىلىسى بويىنشا جوبالار ەزٸرلەنۋدە.
مەملەكەت باسشىسىنىڭ 2025 جىلدىڭ سوڭىنا دەيٸن مىڭداعان مەكتەپتەردٸڭ قۇرىلىسى بويىنشا قويعان تاپسىرماسىن ورىنداۋ ماقساتىندا الماتى ەكٸمٸ باقىتجان ساعىنتاەۆ وقۋشى ورىندارىن ۇلعايتۋ بويىنشا شارالار مەن جاڭا تەسٸلدەر كەشەنٸن ەزٸرلەۋدٸ تاپسىردى.
NEET ساناتىنداعى جاستارعا نازار اۋدارا وتىرىپ, «تەگٸن تجكب» جوباسىن ٸسكە اسىرۋ جٶنٸندەگٸ نۇسقاۋلىققا سەيكەس بالالاردى كەسٸپكە ەرتە باعىتتاۋ بويىنشا جۇمىس كٷشەيتٸلەدٸ. بۇل رەتتە ۇلتتىق تسيفرلاندىرۋ جوباسى اياسىندا جوعارى ساپالى اT ماماندارىن دايارلاۋعا باسا نازار اۋدارىلاتىن بولادى.
