Kezdesý barysynda aǵymdaǵy jaǵdaı jáne Qazaqstan men Japonıa arasyndaǵy saýda-ekonomıkalyq, mádenı-gýmanıtarlyq jáne áskerı-tehnıkalyq yntymaqtastyqtyń perspektıvaly baǵyttaryn keńeıtý máseleleri talqylandy.
2016 jyly eki el arasyndaǵy ózara saýda $1,1 mlrd (eksport – 558,6 mln, ımport – 552,9 mln) qurady. 2017 jylǵy qańtar-shildede atalǵan kórsetkish $769,1 mln-ǵa (eksport – 565 mln, ımport – 203,8 mln) jetti. Qazaqstanǵa japon ınvestısıalarynyń birlesken túsimi sońǵy 10 jylda $6,3 mlrd-tan asty. 2016 jyldyń qorytyndysy boıynsha tikeleı ınvestısıalar $470 mln boldy.
Qazaqstanda japon kapıtalynyń qatysýymen 70-ten astam kásiporyn bar, olar munaı men gaz, metalýrgıa, qarjy, taý-ken ónerkásibi, avtomobılderdi kóterme satý, elektr baılanys, jabdyqtardyń kóterme saýdasy, aǵash daıyndaý jáne logıstıka sıaqty salalarda jumys isteıdi.
