Eske sala keteiik, Májilis otyrystarynyń birinde depýtat Bekbolat Tileýhan oqýlyqtardyń sapasyn synai kele, ministr Saǵadievti "jekpe-jekke" shaqyrǵan bolatyn.
"Qazir jaýap bere almasańyz, baspasóz betinde sizdi jekpe-jekke shaqyramyn jáne sizdiń jeńip ketýińizge shyn júrekten tilektespin. Ókinishke qarai, jeńilip qalasyz-aý. Óitkeni, eshqandai ýáj joq. Erteń halyqtyń, sailaýshyldardyń aldynda biz jaýap berýimiz kerek", — degen edi depýtat.
Búgin baspasóz máslihatynda ministr osyǵan qatysty óz pikirin bildirdi.
"Bekbolat Tileýhan meni baspasóz betinde debatqa shaqyrǵan eken. Meniń oiymsha, ol durys emes. Bekbolat Tileýhandy oqýlyktardyń sapasyn qaraityn komissiiaǵa shakyrdyq. Búgin men ózim Májiliske zvondap, aittym. On bir depýtat jazylǵan, sonyń ishinde Bekbolat Tileýhan komissiia quramynda jumysyn kórsetsin. Men qarsy emespin (debat ótkizýge – avtor eskertpesi). Biraq, meniń oiymsha, ol úkimettiń jumysy emes", — dedi Saǵadiev búgin úkimette ótken baspasóz máslihatynda tilshilerdiń suraǵyna jaýap bere otyryp.
Derekkóz: sputniknews.kz
