ەسكە سالا كەتەيىك، ءماجىلىس وتىرىستارىنىڭ بىرىندە دەپۋتات بەكبولات تىلەۋحان وقۋلىقتاردىڭ ساپاسىن سىناي كەلە، مينيستر ساعادييەۆتى "جەكپە-جەككە" شاقىرعان بولاتىن.
"ءقازىر جاۋاپ بەرە الماساڭىز، باسپا ءسوز بەتىندە ءسىزدى جەكپە-جەككە شاقىرامىن جانە ءسىزدىڭ جەڭىپ كەتۋىڭىزگە شىن جۇرەكتەن تىلەكتەسپىن. وكىنىشكە قاراي، جەڭىلىپ قالاسىز-اۋ. ويتكەنى، ەشقانداي ءۋاج جوق. ەرتەڭ حالىقتىڭ، سايلاۋشىلداردىڭ الدىندا ءبىز جاۋاپ بەرۋىمىز كەرەك"، — دەگەن ەدى دەپۋتات.
بۇگىن باسپا ءسوز ءماسليحاتىندا مينيستر وسىعان قاتىستى ءوز پىكىرىن ءبىلدىردى.
"بەكبولات تىلەۋحان مەنى باسپا ءسوز بەتىندە دەباتقا شاقىرعان ەكەن. مەنىڭ ويىمشا، ول دۇرىس ەمەس. بەكبولات تىلەۋحاندى وقۋلىكتاردىڭ ساپاسىن قارايتىن كوميسسياعا شاكىردىق. بۇگىن مەن ءوزىم ماجىلىسكە زۆونداپ، ايتتىم. ون ءبىر دەپۋتات جازىلعان، سونىڭ ىشىندە بەكبولات تىلەۋحان كوميسسيا قۇرامىندا جۇمىسىن كورسەتسىن. مەن قارسى ەمەسپىن (دەبات وتكىزۋگە – اۆتور ەسكەرتپەسى). ءبىراق، مەنىڭ ويىمشا، ول ۇكىمەتتىڭ جۇمىسى ەمەس"، — دەدى ساعادييەۆ بۇگىن ۇكىمەتتە وتكەن باسپا ءسوز ءماسليحاتىندا تىلشىلەردىڭ سۇراعىنا جاۋاپ بەرە وتىرىپ.
دەرەككوز: sputniknews.kz
