Saǵadiev "qazaq balalarynyń bilimi tómen" deidi. Bul bos sóz.
– Bizdiń ministr qazaq balalarynyń bilimi tómen dep aitady. Bos sóz. Keshegi ótken UBT-da eń jaqsy nátije kórsetken qazaq mektebiniń balalary. Qudai biledi, «Bolashaqpen» shetelge oqýǵa ketkenderdiń 80 paiyzy qazaq mektebin bitirgen balalar. Qazaqsha mektepte oqý metodikasy qalyptasty.
Qazaq tilinde bastaýyshke, orta mektepke laiyq jetkilikti til bar. Biz qazaqtyń tili bai deimiz. Sol bai tilimiz orta mektepke bilim berýge jaramaityn bolsa, ol tildiń ne keregi bar?! Ministrliktiń ókilderi «qazaq tarihyn qazaq tilinde oqytatyn boldyq» dep jetistik retinde aityp otyr. Bul jetistik emes, kúlkili nárse. Búkil ǵylymnyń barlyǵy ana tilinde oqytylýy kerek.
