Sábit Ábdihalyqov jurtqa jeke ómiri jaiynda «otchet» bermeitinin aitty
Oǵan qosa Sábit Ábdihalyqovtyń sońǵy eki aida eki ret júrek talmasyna ushyraǵany jóninde Altynaidyń áleýmettik jelide tis jarmaýy, sondai-aq joldasynyń týylǵan kúninde lám-mim demeýi de áńgimeni odan ári ýshyqtyra túskendei. Óitkeni olar «Instagramǵa» ózderiniń birge túsken fotosýretterin, tabiǵat aiasynda serýendep júrgen otbasylyq sýretterin jii salatyn. Al sońǵy ailarda jeke paraqshalarynan álgi sýretterdiń barlyǵy da óshirilip tastalǵan.
Búginde Sábittiń de, Altynaidyń da áleýmettik jelidegi oqyrmandary ekeýiniń qarym-qatynasy jaily ártúrli pikir jazýdan jalyǵar emes. Olardyń biri ekeýiniń aiyrylysyp ketýine Sábittiń burynǵy áieli, aktrisa, ánshi Aigúl Imanbaevanyń qatysy bolǵan dese, endi biri Sábit tym dóreki, Altynaidy jii uryp-soǵatyn edi deýde. Al shyn mánisinde bul juldyzdy juptyń arasynda ne boldy? Ajyrasqandary ras pa? Biz osy suraqty ánshi Altynai Jorabaevanyń ózine qoiyp edik, ol bizge: «Bul máselege bailanysty eshteńe aita almaimyn. Sebebi ol ár adamnyń jeke ómiri», – dep jaýap berdi.
Biz osydan keiin búginde Ǵ.Músirepov atyndaǵy balalar men jasóspirimder teatryn basqaryp otyrǵan Sábit Ábdihalyqovqa telefon soqtyq. Áńgimeniń túp-tórkinin birden túsingen ol: «Bul taqyryp jóninde eshteńe aitpaimyn. Men elge «otchet» beretindei aqymaq emespin», – dep qysqa qaiyrdy.
...Sonymen, bul kisilerdiń otbasylyq máselesine qatysty suraq basy ashyq kúiinde qaldy. Degenmen «Jel turmasa shóptiń basy qimyldamaidy» demekshi, bálkim olardyń óz ómirlerin qupiia ustaýynda bir syr jatqan shyǵar. Álde bul belgili juldyzdardyń kezekti «piarynyń» biri me eken?
S. KENJALIEVA.
