سەبيت ەبدٸحالىقوۆ جۇرتقا جەكە ٶمٸرٸ جايىندا «وتچەت» بەرمەيتٸنٸن ايتتى
وعان قوسا سەبيت ەبدٸحالىقوۆتىڭ سوڭعى ەكٸ ايدا ەكٸ رەت جٷرەك تالماسىنا ۇشىراعانى جٶنٸندە التىنايدىڭ ەلەۋمەتتٸك جەلٸدە تٸس جارماۋى, سونداي-اق جولداسىنىڭ تۋىلعان كٷنٸندە لەم-ميم دەمەۋٸ دە ەڭگٸمەنٸ ودان ەرٸ ۋشىقتىرا تٷسكەندەي. ٶيتكەنٸ ولار «ينستاگرامعا» ٶزدەرٸنٸڭ بٸرگە تٷسكەن فوتوسۋرەتتەرٸن, تابيعات اياسىندا سەرۋەندەپ جٷرگەن وتباسىلىق سۋرەتتەرٸن جيٸ سالاتىن. ال سوڭعى ايلاردا جەكە پاراقشالارىنان ەلگٸ سۋرەتتەردٸڭ بارلىعى دا ٶشٸرٸلٸپ تاستالعان.
بٷگٸندە سەبيتتٸڭ دە, التىنايدىڭ دا ەلەۋمەتتٸك جەلٸدەگٸ وقىرماندارى ەكەۋٸنٸڭ قارىم-قاتىناسى جايلى ەرتٷرلٸ پٸكٸر جازۋدان جالىعار ەمەس. ولاردىڭ بٸرٸ ەكەۋٸنٸڭ ايىرىلىسىپ كەتۋٸنە سەبيتتٸڭ بۇرىنعى ەيەلٸ, اكتريسا, ەنشٸ ايگٷل يمانباەۆانىڭ قاتىسى بولعان دەسە, ەندٸ بٸرٸ سەبيت تىم دٶرەكٸ, التىنايدى جيٸ ۇرىپ-سوعاتىن ەدٸ دەۋدە. ال شىن مەنٸسٸندە بۇل جۇلدىزدى جۇپتىڭ اراسىندا نە بولدى? اجىراسقاندارى راس پا? بٸز وسى سۇراقتى ەنشٸ التىناي جوراباەۆانىڭ ٶزٸنە قويىپ ەدٸك, ول بٸزگە: «بۇل مەسەلەگە بايلانىستى ەشتەڭە ايتا المايمىن. سەبەبٸ ول ەر ادامنىڭ جەكە ٶمٸرٸ», – دەپ جاۋاپ بەردٸ.
بٸز وسىدان كەيٸن بٷگٸندە ع.مٷسٸرەپوۆ اتىنداعى بالالار مەن جاسٶسپٸرٸمدەر تەاترىن باسقارىپ وتىرعان سەبيت ەبدٸحالىقوۆقا تەلەفون سوقتىق. ەڭگٸمەنٸڭ تٷپ-تٶركٸنٸن بٸردەن تٷسٸنگەن ول: «بۇل تاقىرىپ جٶنٸندە ەشتەڭە ايتپايمىن. مەن ەلگە «وتچەت» بەرەتٸندەي اقىماق ەمەسپٸن», – دەپ قىسقا قايىردى.
...سونىمەن, بۇل كٸسٸلەردٸڭ وتباسىلىق مەسەلەسٸنە قاتىستى سۇراق باسى اشىق كٷيٸندە قالدى. دەگەنمەن «جەل تۇرماسا شٶپتٸڭ باسى قيمىلدامايدى» دەمەكشٸ, بەلكٸم ولاردىڭ ٶز ٶمٸرلەرٸن قۇپييا ۇستاۋىندا بٸر سىر جاتقان شىعار. ەلدە بۇل بەلگٸلٸ جۇلدىزداردىڭ كەزەكتٸ «پيارىنىڭ» بٸرٸ مە ەكەن?
س. كەنجاليەۆا.
