Onyń pikirinshe qolynan is keletin azamattardy ákimshilik shekteýden aryltqan kezde ǵana damý bolady. Adamdarǵa ıdeıasyn júzege asyryp, alǵa jyljýǵa kedergi keltirmeý kerek. Búdan bólek birinshi basshy óz bıligin basqalarǵa bólip berýden qoryqpaýy qajet.
"Meniń kezimde Grýzıa ekonomıkasy 4 ese ósti. Sebebi men belgili bir salaǵa jaýapty azamattarǵa erkindik berdim. Óz salasynyń mamandary ortalyqtandyrý degen buǵaýdan qutylyp, ózin kishigirim prezıdent sezindi. Olar atqaryp jatqan ıgi istiń kópshiligin teledıdardan estıtin edim.
Álemdegi eń úzdik keden qyzmetin meniń qatysýymsyz júzege asyrdy, - deıdi saıasatker.
Korrýpsıany qalaı jeńgenin Saakashvılı bylaısha baıandady:
"Bala kezgi dostarymdy túrmege otyrǵyzdym. Olardan bólek 10 myńnan asa keden qyzmetkerin, 40-tan asa sotty abaqtyǵa qamadym.
Sheneýnikke keregi: úlken ıdeıa, joǵary jalaqy jáne olardy eshteńege qaramaı jazalaı alatyn quqyq qorǵaý organdary", – deıdi saıasatker.
Saakashvılıdiń aıtýynsha bir kezderi jemqorlyǵy jaǵynan Grýzıa Qazaqstannan asyp túspese, kem túspeıtin.
"Biraq biz jazany kúsheıttik. Bastapqyda bul zorlyq-zombylyq sekildi kórindi. Keıin kele adamdardy minez-qulqy ózgerip, halyq korrýpsıasyz ómir súrýdiń paıdasyn kóre bastady", – deıdi ol.
