ونىڭ پىكىرىنشە قولىنان ءىس كەلەتىن ازاماتتاردى اكىمشىلىك شەكتەۋدەن ارىلتقان كەزدە عانا دامۋ بولادى. ادامدارعا يدەياسىن جۇزەگە اسىرىپ، العا جىلجۋعا كەدەرگى كەلتىرمەۋ كەرەك. ءبۇدان بولەك ءبىرىنشى باسشى ءوز بيلىگىن باسقالارعا ءبولىپ بەرۋدەن قورىقپاۋى قاجەت.
"مەنىڭ كەزىمدە گرۋزيا ەكونوميكاسى 4 ەسە ءوستى. سەبەبى مەن بەلگىلى ءبىر سالاعا جاۋاپتى ازاماتتارعا ەركىندىك بەردىم. ءوز سالاسىنىڭ ماماندارى ورتالىقتاندىرۋ دەگەن بۇعاۋدان قۇتىلىپ، ءوزىن كىشىگىرىم پرەزيدەنت سەزىندى. ولار اتقارىپ جاتقان يگى ءىستىڭ كوپشىلىگىن تەلەديداردان ەستيتىن ەدىم.
الەمدەگى ەڭ ۇزدىك كەدەن قىزمەتىن مەنىڭ قاتىسۋىمسىز جۇزەگە اسىردى، - دەيدى ساياساتكەر.
كوررۋپسيانى قالاي جەڭگەنىن سااكاشۆيلي بىلايشا باياندادى:
"بالا كەزگى دوستارىمدى تۇرمەگە وتىرعىزدىم. ولاردان بولەك 10 مىڭنان اسا كەدەن قىزمەتكەرىن، 40-تان اسا سوتتى اباقتىعا قامادىم.
شەنەۋنىككە كەرەگى: ۇلكەن يدەيا، جوعارى جالاقى جانە ولاردى ەشتەڭەگە قاراماي جازالاي الاتىن قۇقىق قورعاۋ ورگاندارى"، – دەيدى ساياساتكەر.
سااكاشۆيليدىڭ ايتۋىنشا ءبىر كەزدەرى جەمقورلىعى جاعىنان گرۋزيا قازاقستاننان اسىپ تۇسپەسە، كەم تۇسپەيتىن.
"ءبىراق ءبىز جازانى كۇشەيتتىك. باستاپقىدا بۇل زورلىق-زومبىلىق سەكىلدى كورىندى. كەيىن كەلە ادامداردى مىنەز-قۇلقى وزگەرىپ، حالىق كوررۋپسياسىز ءومىر ءسۇرۋدىڭ پايداسىن كورە باستادى"، – دەيدى ول.
