Aımaq basshysyna nysandy qaıta qurý boıynsha atqarylyp jatqan jumystar jaıly baıandaldy. Jańadan taǵaıyndalǵan Bas dırektor Igor Mıhaılenko 5 jyl buryn osy JEO-ny basqarǵan jáne onyń erekshelikterin jaqsy biledi.
– 2018 jyly 5 qazandyq jumys istedi, 1 rezervte boldy, 4 týrbına jumys istedi, 52 MVt óndirildi jáne kompanıanyń shotynda 1 mlrd teńge boldy. Menshik ıeleri jylý ortalyǵyna tıisti jóndeý jumystaryn júrgizbeı paıdalanyp kelgen. Qazir qaryzdary 3,3 mlrd teńgeni quraıdy, – dedi Bas dırektor Igor Mıhaılenko.
Onyń aıtýynsha, jóndeý jumystary josparǵa sáıkes júrgizilýde. Óńir basshysy suraqtardy tyńdap, beıindi vedomstvolardyń basshylaryna tıisti tapsyrmalar berdi.
– Men osy ýaqyt ishinde qalanyń ıgiligi úshin jumys istep jatqan qyzmetkerlerge, sondaı-aq shydamdylyq tanytyp, jaǵdaıdy túsingen rıdderlikterge alǵys bildiremin. Jylytý maýsymynyń basyna deıin jóndeý jumystaryn aıaqtaý úshin bar kúshimizdi salamyz. Biz bul qalany jylýmen qamtamasyz etýimiz kerek, – dedi Shyǵys Qazaqstan oblysynyń ákimi Ermek Kósherbaev.
